«Nurly jol» memlekettik baǵdarlamasyn iske asyrýǵa 2017 jyly 387 mlrd-tan astam teńge qarastyrylǵan. Bul týraly QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda qarjy mınıstri Baqyt Sultanov habarlady, dep jazady primeminister.kz.
Qarjy mınıstrligi basshysynyń málimdeýinshe, «Nurly jol» memlekettik baǵdarlamasynyń bıýdjettik bóliginiń jyldyq jospary 100 %-ǵa derlik ıgerilgen. Infraqurylymdyq jobalardy iske asyrýǵa, TKSh men turǵyn úı qurylysyn damytýǵa, bilim berý salasyndaǵy ınfraqurylymdy júzege asyrý qarajaty tolyq kólemde paıdalanylǵan. Jergilikti deńgeıde memlekettik baǵdarlama qarajatyn ıgerý de jetkilikti túrde joǵary - 98,7 %.
«Nurly jol» memlekettik baǵdarlamasy aıasynda 2016 jyly júrgizilgen kameralyq baqylaý jalpy somasy 221 mlrd teńge bolatyn memlekettik satyp alýlardyń 420 rásimin qamtydy, onyń 55 mlrd teńge somasyna habarlamalar jiberilgen.
Memlekettik aýdıt nysandarymen anyqtalǵan qatelikter joıyldy. Sonymen qatar 17 mlrd teńge somasyndaǵy memlekettik satyp alýlar qorytyndysy qaıta qaraldy; 38 mlrd teńge somasyndaǵy memlekettik satyp alýlar boldyrylmady.
Spıkerdiń aıtýynsha, «Nurly jol» memlekettik baǵdarlamasyna qatysqan tólemshilerden bıýdjetke salyq kóleminiń ósimi baıqalady. Olardyń kólemi 2016 jyly 43,5 mlrd teńgeni qurady, bul 2015 jylǵydan 1,4 esege joǵary kórsetkish.
«Memlekettik baǵdarlamany iske asyrýǵa 2017 jyly bıýdjetten 387,4 mlrd teńge somasynda qarjy qarastyrylǵan», - dedi B. Sultanov jáne barlyq memlekettik jáne jergilikti atqarýshy organdardy qazirden bastap qajetti sharalardy qoldanyp, «Nurly jol» memlekettik baǵdarlamasyn tıimdi iske asyrý maqsatynda bıýdjettik rásimderdiń ýaqytyly júrgizilýin baqylaýda ustaýǵa shaqyrdy.
Eske sala keteıik, búgin Úkimette Infraqurylymdy damytýdyń 2015 - 2019 jyldarǵa arnalǵan «Nurly jol» memlekettik baǵdarlamasyn iske asyrý barysy jónindegi másele qarastyryldy.
