14 Aqpan, 2017

2016 jyly Qazaqstanda 1,7 myń shaqyrym jol qaıta jóndeldi

320 ret
kórsetildi
1 mın
oqý úshin
2016 jyly «Nurly joldyń» avtojol jobalaryna 324,8 mlrd. teńge bólindi. Onyń ishinde Ulttyq qordan  151,3 mlrd. teńge. Bólingen qarajattyń esebinen respýblıkanyń 12 oblysynda 1,7 myń shaqyrym jol qaıta jóndeldi. Bul týraly búgin Úkimet otyrysynda QR Investısııalar jáne damý mınıstri Jeńis Qasymbek málimdedi. Jóndelgen joldar qatarynda Batys Eýropa - Batys Qytaı, Ortalyq - Ońtústik, Ortalyq - Shyǵys, Beıneý - Aqtaý, Almaty - О́skemen, Astana - Petropal, Aqtóbe - Atyraý jáne Oral - Kamenka joldary bar. Mınıstrdiń aıtýynsha, barlyq jobaǵa 75 myń adam tartyldy jáne otandyq óndirýshiler materıaldarynyń úlesi 90 paıyzdan asty. «2016 jyly 913 shaqyrymda qurylys jumystary aıaqtalyp, onyń ishinde jyl qorytyndysy boıynsha, 767 shaqyrym jol paıdalanýǵa berildi. Batys Eýropa  - Batys Qytaı tranzıttik dálizi, Astana - Temirtaý, Almaty -Qapshaǵaı, Qapshaǵaı - Balpyq bı, Beıneý - Shetpe jáne Kókshetaý - Petropavl ýchaskeleri boıynsha qozǵalys tolyq ashyldy», - dedi Qasymbek.