2016 jyly 8,3 myń otbasy baspanamen qamtyldy

2016 jyly turǵyn úı qurylysy men ınfraqurylymdy damytýǵa 400 mlrd. teńge bólindi. Nátıjesinde, 2016 jyly 8,3 myń otbasy baspanamen qatmasyz etildi. Bul týraly búgingi Úkimet otyrysynda Investısııalar jáne damý mınıstri Jeńis Qasymbek málimdedi. «Memlekettik baǵdarlamada turǵyn úı qurylysy máseleleri qarastyrylǵan. 2016 jyly turǵyn úı qurylysy men ınfraqurylymdy damytýǵa myna baǵyttar boıynsha 400 mlrd. teńge bólindi:«Qazaqstan ıpotekalyq kompanııasy» ıpotekalyq uıymy» AQ jelisi boıynsha jaldyq turǵyn úı qurylysyna - 22,5 mlrd. teńge; «Baıterek development» jelisi boıynsha jaldyq jáne nesıelik turǵyn úı qurylysyna - 113 mlrd. teńge, jergilikti atqarýshy organdardan nesıelik turǵyn úı qurylysyna - 67 mlrd. teńge, Samuryq Qazyna jyljymaıtyn múlik Qory jelisi boıynsha kommersııalyq turǵyn úı qurylysyna – 97 mlrd. teńge, ınjenerlik-kommýnıkasılyq ınfraqurylym qurylysyna – 78,5 mlrd. teńge, Turǵyn úı qurylys jınaq bankiniń salymshylaryn nesıeleýge – 22 mlrd. teńge», - dedi J.Qasymbek. Nátıjesinde, 2016 jyly 8,3 myń otbasy baspanamen qatmasyz etildi (478,8 myń.kv.m) jáne jyl sońyna deıin kórsetilgen qarjy esebinen 33,8 myń otbasy (1,9 mln. kv. m) qosymsha turǵyn úımen qamtylatyn bolady. Aldaǵy ýaqytta atalmysh máseleler 2016 jyldyń 31 jeltoqsanynda bekitilgen «Nurly jer» baǵdarlamasy aıasynada júzege asatyn bolady. «Baǵdarlamada TKSh ınfraqurylymyn, jylý júıesin, sýmen jabdyqtaý jáne   sý tartýdy modernızasııalaý máseleleri qamtylady.7,2 shaqyrym bolatyn jylý berý júıesi, 14,6 shaqyrym bolatyn sýmen qamtamasyz etý jáne sý tartý júıeleri salyndy.  2017 jylǵa 53,0 teńge qarastyrylǵan (nesıeni ıgerý kezeńi kredıtor esep-shotynan nesıe aýdarylǵan sátinen bastalyp, 2018 jyldyń 10 jeltoqsanynda aıaqtalady).Qarastyrylǵan qarjyǵa 1778 km ınjenerlik jelini qaıta jańǵyrtý jáne salý josparlanǵan», - dedi mınıstr.