Sońǵy úsh-tórt jyldan beri elimizdegi «112» qutqarý qyzmeti halyqaralyq 911 jedel baılanysy sııaqty turǵyndardyń apatty jaǵdaıda habarlasatyn birden bir baılanys ortalyǵyna aınaldy. Bul biryńǵaı kezekshilik-dıspetcherlik qyzmetke 2016 jyly respýblıka boıynsha 5 mıllıonnan asa qońyraý túsken.
Astana qalasyndaǵy Tótenshe jaǵdaılar departamentiniń Biryńǵaı kezekshilik dıspetcherlik qyzmeti mekemesiniń bastyǵy, azamattyq qorǵaý polkovnıgi Bolatbek Amrınniń aıtýynsha, elorda boıynsha byltyr atalǵan jeli 520 myńnan astam, ıaǵnı, orta eseppen kúnine 1500-deı qońyraý qabyldaǵan.
«Kóbine ata-analar men mektep oqýshylary sabaqty keıinge qaldyrǵany jóninde bilý úshin habarlasady. Sosyn trassalardy jabamyz, sol týraly da jurtshylyq málimet surap jatady», deıdi Bolatbek Amrın. Onyń aıtýynsha, jol jabylǵan kúnderi keıde qońyraýlar sany 7000-ǵa deıin jetedi eken.
Osy rette bir aıta keterligi, bul qyzmet qalalyq ákimshilikke qarasty 109 baılanysymen de birlesip jumys isteıdi. Al 2015 jyldyń 30 jeltoqsanynan bastap abonentterge aýa raıy týraly «sms» habarlamalar jiberiledi.
«Aýa raıy týraly aqparatty «Qazgıdrometten» RMK alamyz. Kúshti daýyl týraly eskertý kelse telearnalarǵa, uıaly baılanys operatorlaryna, BAQ-na jónelte bastaımyz», – deıdi B.Bahmanuly.
Jalpy, dıspetcherlik ortalyqqa kelip túsken habar 15-20 mınýttyń ishinde taratylyp úlgeredi. Alaıda keıbir baılanys operatorlary «sms»-ti 2-3 saǵat keshiktirip jatatyny da bar.
112 tegin – anyqtamalyq emes
Joǵaryda atap ótken 5 mln qońyraýdyń 500 myńnan astamy byltyr qutqarý bólimshelerin, 87 myńy – órt sóndirýshi-qutqarýshy bólimshelerin shaqyrtqan. Sonymen qatar 408 myńy – qoǵamdyq tártipti qorǵaý, 344 myńy – medısınalyq járdem boıynsha habarlasqan. Dese de, 112 qyzmetin anyqtamalyqpen, polısııa, jedel járdem nemese basqa da qyzmet túrlerimen shatastyratyndar áli de kóp eken. Jasyratyny joq, keıbir azamattar aqyly baılanystan qashyp, tegin anyqtama qyzmetin paıdalanǵysy keledi. Sala mamandarynyń aıtýynsha, keıde «112» qyzmetine «Qansha balansym qaldy» dep te habarlasatyndar bar eken. О́ıtkeni, 911 sanyn juldyzshasyz jáne torkózsiz jyldam terip basyp qalsa, jeli avtomatty túrde 112-ge kelip qosylady. «Halyqtyń saýaty áli de tómendeý. Sondyqtan, «112» qyzmetin ózge jedel baılanystarmen shatastyrmaı oryndy paıdalaný qajettigin eskertkimiz keledi. Onyń ústine, sabaqtyń bolmaıtyny týraly aqpardy ata-analar bizden emes, bilim basqarmasynan, al trassalardyń jabyq ekendigin jergilikti polısııa qyzmetinen suraǵandary durys. О́ıtkeni, bizdiń quzyrymyzǵa tek aqparattandyrý qyzmeti kiredi», deıdi mamandar. О́z jumysyn 2013 jyldyń mamyr aıynan bastaǵan dıspetcherlik ortalyqta qazirgi tańda 14 adam jumys isteıdi. Mamandar bul azdyq etedi dep otyr. «Mınıstrdiń buıryǵy boıynsha 100 myń adamǵa 1 operatordan bolý kerektigi aıtylǵan. Búginde elordamyzda 800 000 adam bar dep eseptesek, demek 8 operator qajet», deıdi basqarma basshysy. Onyń aıtýynsha, qazir munda táýligine 3 operator jumys isteýde. Jansaıa SYDYQBAI, Sýretterdi túsirgen Qanat KО́LBAEV
