Maksımovıch: «Astanaǵa» bergen ýádemdi oryndadym

«Astana» fýtbol klýbynyń jartylaı qorǵaýshysy Nemanıa Maksımovıch elordalyqtardyń sapyna qaıta qosylǵannan keıin pikir bildirdi. Bul týraly vesti.kz habarlady. Serbııalyq fýtbolshy qańtar aıynda «Valensııa» komandasymen kelissózder júrgizgendikten, «Astananyń» Dýbaıdaǵy oqý-jattyǵý jıynyna qatysa almaǵan. Degenmen, Túrkııadaǵy jattyǵýǵa qosylǵan bolatyn. Elordalyq klýbpen osy qysta transfer máselesi jóninde kelissózder ótken. Alaıda, «jarqanattar» 300 myń eýro tóleýden bas tartqandyqtan, Maksımovıch Ispanııaǵa erkin agent retinde ketedi. «Komandamen eshqandaı túsinbeýshilik bolǵan joq. Ýádem oryndaldy. Jazǵa deıin Astanada qalamyn. Deńgeıimdi tómendetip almaý qazirgi basta maqsatym. Onyń ústine ulttyq quramanyń matchtarymen qatar, jastar arasyndaǵy Eýropa chempıonaty da kele jatyr», – dedi Maksımovıch. Qazirgi ýaqytta ol «Valensııamen» aldyn ala besjyldyq kelisimge kelgen. Osy ýaqyt aralyǵynda serb oıynshysy 7 mıllıon eýro jalaqy alady. Elordalyqtardyń sapynda 2015 jyldyń aqpan aıynan beri óner kórsetip keledi. Osy ýaqyt aralyǵynda eki dúrkin el chempıony atanyp, bir márte Qazaqstan Kýbogynda jeńiske jetken. Premer-lıgada 54 oıynǵa qatysyp, 9 goldyń jáne 6 nátıjeli pastyń avtoryn atanǵan.