16 aqpanda elorda ákimi halyqqa esep beredi

2017 jyldyń 16 aqpanynda tańǵy saǵat 10.00-de «Astana» konsert zalynyń ǵımaratynda (burynǵy Kongress-Holl) Astana qalasynyń ákimi Áset Isekeshevtiń elorda halqymen dástúrli esep berý kezdesýi ótedi, dep habarlady elorda ákimdiginiń baspasóz qyzmeti. Shara Astana qalasy ákimdiginiń Facebook jelisindegi resmı akkaýnttarynda onlaın-rejımde kórsetiledi. Sondaı-aq, barynsha kóp halyqty qamtý maqsatynda L. N. Gýmılev atyndaǵy Eýrazııa ulttyq ýnıversıtetiniń (Q. Muńaıtpasov k-si, 5) jáne S. Seıfýllın at. Qazaq agrotehnıkalyq ýnıversıtetiniń (Jeńis dańǵ., 62) ǵımarattarynda tikeleı qosylýlar uıymdastyrylady. Sondaı-aq, 16 aqpanda «Astana» konsert zalynda «Belsendi azamat-2017» aksııasynyń sheńberinde ashyq esik kúni ótedi, shara halyqpen keri baılanysty tıimdi ornatýǵa baǵyttalady. Onyń barysynda nıet bildirgen ár azamat ózin qyzyqtyrǵan saýalyn qoıyp, qalalyq basqarmalar men qyzmetterdiń basshylarynan tııanaqty jaýap ala alady.