Álemdegi eń damyǵan tehnologııalyq qalalardyń tizimi jarııalandy

Tehnologııalyq sektor kompanııalarynyń bıznesin damytýǵa eń qolaıly jaǵdaı jasaǵan qalalardyń alǵashqy úshtigine amerıkalyq Ostın, San-Fransısko jáne Nıý-Iork qalalary kirdi. Al tehnologııalyq sala mamandarynyń ómir súrýine eń yńǵaıly qala retinde Kopengagen qalasy tańdaldy, delingen Tech Cities 2017 zertteýinde. Tehnologııalyq qalalar reıtıngin halyqaralyq Savills kompanııasynyń sarapshylary túzdi. Birinshi orynda Ostın qalasy bolsa, ekinshi oryn Sılıkon alabyndaǵy San-Fransısko, úshinshi orynda Nıý-Iork megapolısi. Sarapshylardyń aıtýynsha, Tehastaǵy Ostın qalasy San-Fransıskodan asyp túsedi, óıtkeni bul jaqtaǵy jyljymaıtyn múlik baǵasy arzan. Bul kompanııa mamandarynyń jaıly ómir súrýine múmkindik beredi. Úzdik ondyqqa bulardan bólek London, Amsterdam, Toronto, Kopengagen, Boston, Berlın jáne Sıngapýr kirdi. Tehnologııa kompanııalary qyzmetkerleriniń jaıly ómir súrýi boıynsha bólek jasalǵan reıtıngte Kopengagen birinshi orynnan kórindi. Ekinshi jáne úshinshi oryndardy tıisinshe Stokgolm men Melbýrn aldy. Oıyn-saýyq ınfraqurylymy jaǵynan alǵashqy úshtikte London, Nıý-Iork jáne Tokıo. О́mir súrýge eń arzan tehnologııalyq qalalardyń ishinde Bangalor, Keıptaýn men Santıago úzdik shyqty.