Áýe qozǵaltqyshtary men energetıkalyq qurylǵy shyǵaratyn brıtanııalyq Rolls-Royce kompanııasy 2016 jyly 4,6 mlrd fýnt sterlıng (5,7 mlrd dollar) shyǵynǵa ushyrady, dep jazady BBC.
Rolls-Royce kompanııasynyń bulaı shyǵyndalýyna sebep bolǵan "Breksıt" referendýmynan keıin fýnt baǵamynyń quldyraýy. О́ıtkeni, kelisimniń basym bóligin kompanııa dollarmen jasasqan.
О́tken jyly áýe qozǵaltqyshtaryn shyǵaratyn Eýropanyń eń iri kompanııasynyń basy jemqorlyq daýyna qalǵany da belgili. Kompanııa álemniń 12 elinde kelisimshart jasaý úshin para aldy dep aıyptaldy.
2016 jyly kompanııa 838 mln dollar aıyppul tólep, Ulybrıtanııa men AQSh arasyndaǵy jemqorlyq daýyna núkte qoıǵan.
Kompanııa Indonezııa, Taıland, Úndistan, Reseı, Nıgerııa, Qytaı men Malaızııanyń energetıkalyq kompanııalarynyń basshylyǵyna para bergenin moıyndady. Mundaı kúdik 2012 jyly týyndaǵan edi.
