«Azbýka jılıa» kompanııasynyń aktıvteri satylymǵa shyǵarylady

Sot aktilerin oryndaý departamenti «Azbýka jılıa» kompanııasynyń aktıvterin baǵalaýǵa kiristi. Sol arqyly qundy qaǵazdar satylymǵa shyǵarylady. Al túsken qarjy arqyly problemalyq nysandar qurylysyn aıaqtaý kózdelip otyr, dep habarlaıdy 24Habar. Aıta keteıik, «Azbýka jılıa» seriktestigi 9 birdeı turǵyn úı salymshysyn san soqtyryp, baspanalaryn tıisti merzimde paıdalanýǵa bermegen. Osyǵan oraı 3 aqpan kúni apellıasııalyq alqa jaýapkershilikke tartylǵan kompanııa basshylarynyń múlkin jábirlenýshilerge berý týraly sheshim shyǵardy. Endi problemalyq qurylysty jalǵastyryp jatqan mekememen 2 myńnan astam adam kelisim jasasqan. Degenmen, 1500 salymshy bul kompanııaǵa da senimsizdik tanytyp otyr. Qurylys seriktestigi 5 turǵyn úı keshenin salyp bitirý úshin 24 mlrd teńge qajettigin aıtady. Qazirge deıin 8 mlrd teńgeniń jumysy atqarylǵan. «Qalǵan isti «Azbýka jılıanyń» aktıvterin satý arqyly salymshylarǵa berilgen qarajat arqyly bitiremiz», - deıdi jaýapty mekeme mamandary.