Ozyq elderdiń tájirıbesi bizge de úlgi

Almatydaǵy Abaı atyndaǵy Qazaq memlekettik akademııalyq opera jáne balet teatrynda Elbasy Nursultan Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Joldaýyn talqylaý boıynsha dóńgelek ústel ótti. Sharaǵa memleket jáne qoǵam qaıratkerleri, atalmysh ujymnyń basshylary men qyzmetkerleri qatysty. Is-sharanyń negizgi maqsaty saıası tárbıe jáne Elbasy Jol­­­daýynda aıtylǵan ózekti másele­ler­di tal­qylaý boldy. Dóńgelek ústel jumysyn ashyp bergen Abaı atyndaǵy MAOBT-tyń bas dırektory, Qazaqstannyń eń­bek sińirgen qaıratkeri Asqar Bóribaev, sondaı-aq, Elbasynyń Úndeýinde aıtylǵan birqatar quzy­ret­terdi Parlament pen Úkimetke berý kóptegen damyǵan ozyq elder­diń tájirıbesinde kezdesetinin atap kórsetti. «Osy turǵydan kelgende, atalǵan bastama jahandyq damý jolynda elimizge tyń ser­pin berip, tynysymyzdy asha­tyn senimdi qural bolmaq. Máde­nıet salasynyń mamandary jan-jaqty ún qosyp jatyr. Bizdiń ujym basshylyǵy men qyzmetkerleri de Elbasy usyn­ǵan reformany talqylaı kele, tolyq­qandy qoldaıdy», dep málimdedi. «Básekege qabilettilikti art­tyryp, memleketti nyǵaı­tatyn úlken kúshke ıe bolý úshin eko­nomıkalyq jańa qadam jasaý­dyń mańyzy zor. Prezı­dent usynǵan reforma tyń bastamalarǵa ser­pin beredi. О́tken kúnnen sabaq alyp, bolashaqqa nyq senimmen qaraýymyz kerek», – dedi jıynda sóz alǵan saıasattanýshy Zamır Qarajanov. Atalǵan reforma – el bolasha­ǵyna jasalǵan naqty qadam. Al san saraptan ótken saıası Ún­deý memleketimizdiń damýyndaǵy tarıhı sát. Táýelsizdik alǵan jyl­dar ishinde ekonomıkanyń bar­lyq talaptaryna jaýap bere alatyn memlekettik basqarýdyń kóp qyrly modeli dúnıege keldi. Qazaqstannyń árbir azamaty bul reformany talqylaýǵa belsendi túrde ún qosýy qajet. Qoǵamdaǵy demokratııalyq úderisterdi damytyp, qýattandyrýda jańa bet­burystyń mańyzy zor dedi – jıyn­ǵa qatysýshylar biraýyzdan. «Kelisip pishken ton kelte bol­mas». Elimizdiń barlyq qala­lary men aımaqtarynda qyzý talqy­lanyp jatqan reformaǵa ún qosý­shylardyń sany kún sanap artyp otyr. Osyǵan qarap, elimizdegi saıası uıymdar men memlekettik mekemeler ǵana emes, reformany talqylaýǵa qatysqan elimizdiń ár azamaty memleketimizdiń bolasha­ǵyna beı-jaı qaraı almaıtynyn ańǵaramyz. Arman OKTIаBR, jýrnalıst ALMATY