Kópshilik júregine jetýi tıis

Elbasynyń jyl saıynǵy halyqqa Joldaýy bıyl erekshe formatta kópshilik nazaryna usynyldy. Aqmola óńiri de atalǵan mańyzdy qujatty yqylaspen qabyldap otyr. Osyǵan oraı, О́ńirlik kom­mýnıkasııalar qyz­metin­de «Qazaq tili jáne áde­bıeti» QU tóraǵasy Meı­ram­bek Qıyqov, Aqmola oblys­tyq Qazaqstan halqy As­sam­bleıasynyń múshesi Ǵos­man Tóleǵul jáne Aq­mola oblystyq máslıha­tynyń depýtaty Álibek Baı­­maǵambetov óz oılaryn or­taǵa salyp, Joldaýdan týyn­­daıtyn mindetterdi ashyp kórsetti. Aldymen sóz alǵan M.Qıy­qov «Qazaqstannyń Úshin­shi jańǵyrýy: jahan­dyq básekege qabilettilik» dep atalatyn Elbasy Jol­daýy tarıhı qujat ekendigin erekshe atady. О́ıtkeni, Qa­zaqstan táýelsizdigin alǵan­nan bergi ýaqytta eki jań­ǵyrý jolynan ótse, endi úshinshi jańǵyrýǵa aıaq bas­qaly otyr. Prezıdent elimiz damýy barysynda 40-tan asa ókilettikterdi Parlament pen Úkimetke berý týraly sheshim qabyldady. Buryn Úkimetti taratý nemese jasaqtaý Prezıdenttiń quzyretinde bolsa, endi budan bylaı bul mindet Parlamentke júkteletin bolady. Úkimet joǵary zań shyǵarýshy organ aldynda esep beredi. Bul – atqarýshy organnyń halyq aldyndaǵy jaýapkershiligi kúsheıedi degen sóz. Osy­laısha qoǵamnyń ári qaraı­ǵy damýynda elimizde demo­kratııalyq úderistiń júrip jatqandyǵy kórinedi. Olaı bolsa, bul barshaǵa úlken jaýapkershilik júkteıdi. Budan keıin sóz alǵan Ǵ.Tóleǵul mańyzdy qujat­tyń alǵash tikeleı buqa­ra­lyq aqparat quraldary arqyly jarııa etilgenin tilge tıek ete kelip, onyń aldynda bılik tarmaqtary arasynda ókilettikterdi bólýge qatysty Úndeý jarııa­laǵandyǵyn alǵa tartty. Onyń aıtýynsha, bes ba­symdyqty qamtyǵan Jol­daý­da Qazaqstannyń jańa sa­palyq deńgeıge kóteril­gendigi aıqyn kóringen. Aty aıtyp turǵandaı, Joldaý qazirgi zaman talabymen úndes. Sondaı-aq, álem órkenıetimen de sabaqtasyp jatyr. Bul turǵydan Elbasy jańǵyrý «100 naqty qadam» Ult jospary bazasynda ótkiziletindigin de atap kór­setti. Kóptegen ter­mıno­logııalar qazirgi zaman talabymen astasyp jat­qan­dyqtan, onyń ústine qam­tymdy da kúrdeli qujat bolǵandyqtan, qara­paıym turǵyndarǵa túsi­nik­ti til­men jetkizý qajet. Kezinde V.I.Lenın «Kez kel­gen ıdeo­logııa, eger buqa­ra­­nyń kóńi­linen shyqqanda naq­ty kúsh­ke aınalady», dep aıtqa­nyn tilge tıek ete kelip, Ǵ.Tóleǵul Joldaýdy da kóp­shilik júregine jet­kizý ar­qyly naqty nátıjege ıek ar­týǵa bolatynyn aıtyp ótti. Aqmola oblystyq más­lı­hatynyń depýtaty, Aq­mola oblysy ákimdigi ja­nyn­daǵy «Memlekettik qyz­metshilerdi qaıta daıyndaý jáne biliktiligin jetildirý aımaqtyq ortalyǵy» MKQK dırektory Álibek Baı­ma­ǵambetov Prezıdent Jol­daýyn jergilikti jerde nası­hattaı otyryp, onyń oryn­dalýy barysyna qatań baqy­laý júrgizý qajettigin alǵa tartty. Elbasy alǵa min­det etip qoıyp otyrǵan­daı, jańa tehnologııa­lar­dy ıgermeıinshe, shıki­zat óń­deýshi el bolyp qala be­retinimiz anyq. Sondyq­tan da eń aldymen ózimiz shı­ra­ýy­myz qajet, dedi depýtat. Asqar TURAPBAIULY, «Egemen Qazaqstan» Aqmola oblysy