Halyqqa jylý berý turaqty, kóshe jaryǵy sóndirilmeıdi

«Egemen Qazaqstan» gazetiniń 2017 jylǵy qańtar aıynyń 30-ynshy juldyzyndaǵy sanynda jýrnalıst Raýshan Nuǵman­bekovanyń «Qaljyraǵan» qazandyq, qaltyraǵan halyq» atty maqalasy shyqqan edi. Maqalada bas merdiger «Da­nııar ı SEK» JShS-niń jaýapsyz­dyǵynan «35-inshi kvartal» jáne «Zoovetınstıtýt» qazandyq­taryndaǵy keshiktirilgen birqa­tar jylý máselesi týraly aıtylǵan bolatyn. Qazirgi ýaqytta bul qazandyqtar tolyq jumys istep tur. Halyq jylýmen turaqty qamtylǵan. Árbir aıtylǵan syn-eskert­pe, kóterilgen másele qala ákimi Ermak Sálimovtiń tikeleı nazarynda. Maqalada aıtylǵan qazandyqtar Ertistiń oń jaǵalaýynda ornalasqan. Sol sııaqty, sol jaǵalaýdaǵy «Sementshiler kentin» de jylýmen qamtamasyz etý máselesi biraz ýaqyt boıy halyqty mazalap keldi. Atalǵan aýdanǵa «RK-1» qazandyǵy qyzmet kórsetedi. Alǵashqy aıazdar bastalǵan kezde osy «RK-1»-degi №1, 2 jáne № 3 qazandyqtar jylý bergen bolatyn. Degenmen, turǵyndarǵa atalǵan jylý ortalyǵynyń qajetti jylý mólsheri jetpe­gendikten, qosymsha jańadan salynǵan №6 jáne №7 qazan­dyqtar da kómek retinde iske qosyldy. Búginde «RK-1»-de 5 qazan­dyq úzilissiz ári óte jaqsy jumys istep tur dep halyqty el gazeti «Egemen Qazaqstan» arqyly qýantqymyz keledi. Jáne taǵy bir qazandyq qosalqy retinde qosymsha saqtalýda. Qajet bolyp jatsa ol da iske qosylady. «Sementshiler kentin» jylý energııasymen qamtamasyz etýde qazir eshqandaı qorqynysh, bóget joq. Biraq, taǵy bir márte eskere keter jaıt, jekelegen páterlerdegi qubyrlardy retke keltirip, úıdiń ishindegi jylý júıesin, jylý qubyrlaryn qalypty jaǵdaıda ustaý PIK nemese ózin-ózi basqarý uıym­dary organdarynyń tikeleı mindeti. Sondaı-aq, 2016 jyldyń qarasha aıynyń 24-shi juldyzynan bastap, Semeı qalasynyń ákimi Ermak Sálimov «Facebook» áleýmettik jelisinde óz paraqshasyn resmı túrde ashty. Búgingi kúni atalǵan jelige 245 azamat usynys-pikirleri men ótinish-tilekterin joldap úlgergen. Sonyń ishinde túngi kóshe jaryǵyna da qatysty birqatar máseleler aıtylypty. Semeıdiń elektr energııasy, jaryq problemalary «Egemen Qazaqstan» gazetinde de kóterilgen bolatyn. Soǵan oraı jaýabymyz, búgingi kúni Semeı qalasynda qalalyq TÚKSh bólimi qyzmet kórsetetin 7 myńnan astam jaryq kózderi jumys istep tur. Bekitilgen kestege sáıkes, buryn túngi jaryq berý qarańǵy túskennen túngi 01.00-ge deıin, sosyn tańǵy 07.00-den kún shyqqansha beriletin. 28 qarashadan bastap, azamattardyń kóptegen usynystaryna oraı, Semeı qalasynyń ákimi Ermak Sálimov shahar kóshelerin túngi ýaqytta turaqty jaryqpen qamtamasyz etýdi uıǵardy. Bul shara 2017 jyldyń birinshi toqsany boıyna jalǵasyn tappaq. Endi, atalǵan sheshimge sáıkes, kóshe jaryǵy saǵat keshki 17.00-den tańǵy 07.00-ge deıin úzilissiz beriledi. Bir sózben aıtqanda, Semeıdiń jylýy bul kúnderi turaqty, jaryǵy qalypty. Halyqtyń áleýmettik jaǵdaıyna alańdaýshylyq tanytqan «Egemen Qazaqstan» gazetiniń ujymyna rahmetimizdi aıtyp, el ıgiligine oraı birigip eńbek ete bereıik degimiz keledi. Nurjan ESENJOLOV, Semeı qalasy ákiminiń baspasóz hatshysy SEMEI