Mańǵystaýda "Otandyq sángerler qaýymdastyǵy" quryldy

Áıelder eshqashan qıyndyqtan qashqan emes. Qıyndyǵy mol, jaýapkershiligi joǵary bıznestiń de tizginin bekem ustap keledi. Ár baǵyttaǵy bıznestiń tasyn órge domalatyp júrgen áıelder Mańǵystaýda "Otandyq sángerlerdiń qaýymdastyǵyn" qurdy. Qaýymdastyqtyń jas sán­ger­lerge bereri kóp bolmaq. Sán álemine endi aıaq basqan kásipkerlerge qoldaý bildirip, kásibı turǵyda keńes berýmen birge, ózge aımaqtardaǵy sánger­lermen áriptestik baı­lanys ornatý, sheteldik maman­darmen tájirıbe almasý, sán álemindegi jańa tehno­­lo­gııalarmen jumys jasaý­­dy utymdy paıdalaný máseleleri de nazardan tys qal­maıdy. Qaýymdastyqtyń quryltaıshylary túrli dáreje­degi tájirıbe saǵattaryn ótki­­zýdi, sángerler arasynda baı­qaý uıym­dastyrýdy, eń úzdik sángerdiń ónimderin respýb­lıkalyq jáne ha­lyqaralyq na­ryqqa shyǵa­rýdy kózdeıdi. Mańǵystaýlyq sángerler qolda bar úlgini zamanaýı je­­tildirip, Qazaqstannyń túk­­pir-túkpirine erekshe sán úlgi­­sindegi ulttyq kıimderdi shy­­ǵarýmen tanylyp keledi. О́ńirde otandyq kıimder tigý­men aınalysatyn 30-dan astam sánger jumys isteý­de. Qyzyǵýshylyq tanytýshylar da az emes. Endi sánger­ler ulttyq kıimdermen birge kúndelikti kıetin kıim, kesh­kilik, balalarǵa jáne júkti áıelderge arnalǵan kıim úlgi­sin usynýdy, sondaı-aq, qa­zaqtyń ulttyq kıimderin syrt­qy na­ryqqa shyǵarýdy jos­parlaýda. Gúlaıym ShYNTEMIRQYZY, «Egemen Qazaqstan» Mańǵystaý oblysy