Qyzylordada bir myńnan astam adam jumysqa ornalasty

Syr elinde  myńnan asa adam ındýstrııalandyrý kartasyndaǵy jobalar aıasynda  jumysqa ornalastyryldy. Bul jóninde Qyzylorda oblysynyń ákimi Qyrymbek Kósherbaev 15 aqpanda halyqpen esepti kezdesýinde habarlady. Oblystyń ındýstrııalandyrý kartasy aıasynda júzege asyrylǵan 27 jobanyń búginde 21-i ónim óndirýde. Jańa kásiporyndarda búgingi kúni mynnan asa adam eńbek etýde. Bul jaqsy kórsetkish ekenin aımaq basshysy atap ótti. «О́kinishke qaraı, jobalardy júzege asyrý týraly sheshim qabyldar kezeńde barlyq táýekeldi eskerý qıyn. Sondyqtan Karta sheńberinde júzege asyrylǵan 6 joba boıynsha olardy josparly qýatyna jetkizý úshin derbes  jumys júrgizýdemiz. Mysaly, biz Jalaǵashtaǵy mııa tamyryn óńdeý jobasy boıynsha ınvestordy almastyrdyq. Jańa ınvestor jańa qondyrǵylardy alyp keldi. Biz zaýytqa shıkizatpen kómektestik. Nátıjesinde 2017 jyldyń qańtarynda alǵashqy 20 tonna ónimdi eksportqa (QHR) jiberdik», – dep málimdedi oblys ákimi. «Sonymen birge, memleket pen bıznestiń aýqymdy qarjylaryn tekke jumsamaý úshin 2016 jyly jobalarǵa suryptaý júrgizip, ındýstrııalandyrý ıdeıasyna sáıkes kelmeıtin jobalardy Kartadan alyp tastadyq», – dedi Qyrymbek Kósherbaev.