Syr óńirinde óńdeý ónerkásibi men eńbek ónimdiligi ósti

Bul týraly Qyzylorda oblysynyń ákimi Qyrymbek Kósherbaev 15 aqpanda turǵyndarmen esepti kezdesýinde málimdedi. Aımaq óndirisiniń negizgi tiregi munaı óńdirý tómendegenimen, damýdyń birqatar kórsetkishterinde oń dınamıka bar dep atap ótti. «Atap aıtqanda, ótken jyly óńdeý sektoryndaǵy ósim 15 paıyzdy qurady. Eger, uzaqmerzimdi dınamıkaǵa kóz júgirtsek, máselen, 2012 jylmen salystyrǵanda oblystyń shıkizattyq emes óndiris sektoryndaǵy ónim kólemi 52 paıyzǵa ósti, osy kezeńde respýblıka boıynsha ol bar bolǵany 4 paıyz boldy», – dedi Q.Kósherbaev О́ńdeý salasyndaǵy eńbek ónimdiligi 6 esege deıin ósti (QR boıynsha – 2,4 ese), al óńdeý ónerkásibiniń jalpy óńirlik ónimi qurylymyndaǵy úlesi osy jyldary 3,5 ese ósti (2012 jyly 2,2 paıyzdan 2016 jylǵy 7,8 paıyzǵa deıin). «Shıkizattyq emes sektordyń damý qarqyny boıynsha bizdiń oblys respýblıka aımaqtarynyń arasynda kóshbasshylar qatarynda. О́ńdeý salasynyń ozyq qarqyny sonaý 2014 jyldyń qyrkúıeginde bastalǵan bolatyn», – dep málimdedi oblys ákimi.