Kórmege kelýshilerdiń qaýipsizdigi qalaı qorǵalady?

Bes mıllıonǵa tarta adamdy qamtıtyn, álemdik mańyzy bar, ǵylymnyń naǵyz sony jańalyqtarynyń alańyna aınalatyn EKSPO halyqaralyq mamandandyrylǵan kórmesi qazaqtyń Astanasyna úlken jaýapkershilik júkteıdi. Baıraqty sharaǵa ázirlik jumystary áldeqashan bastalyp ketken. Qoǵamdyq tártipti qadaǵalap, adamdardyń qaýipsizdigin kúzetetin tártip saqshylarynyń da daıyndyǵy kóńil kónshitedi.

Táýlik boıy tik turǵan

Kórme ótetin úsh aı boıy Ishki ister mınıstrliginiń qyzmetkerleri, oqý oryndarynyń kýrsanttary, Qorǵanys mınıstrliginiń áskerıleri jáne memlekettik emes kúzet qurylymdarynyń mamandary – barlyǵy 9 000-ǵa jýyq adam qoǵamdyq tártipti qadaǵalaýǵa jáne qaýipsizdikti saqtaýǵa jumyldyrylady. Qazirgi ýaqytta, kórme kesheniniń aýmaǵynda nysandardyń qurylysy jáne paıdalanýǵa tapsyrý kezeńinde elordalyq ishki ister departamentiniń júzden asa qyzmetkeri, Ulttyq ulannyń jaýyngerleri qaýipsizdikti táýlik boıǵy rejimde qamtamasyz etýde. Olarǵa baqylaý-ótkizý beketterin uıymdastyrý jáne jaıaý patrýldeý qyzmetteri júktelgen. EKSPO qalashyǵynda ýchaskelik polısııa beketi jumys isteıtin bolady. Onda 6 ýchaskelik polısııa ınspektory qyzmet atqarady. Sonymen qatar, kórmeniń logıstıkalyq ortalyǵy da qoldanysqa engiziledi, onda avtokólikterdi tekserýdi eki mobıldi ınspeksııa-tekserý kesheni júrgizedi. 16 polısııa qyzmetkeri kiretin keshenderdiń personaly arnaıy oqytyldy. Sonyń ishin­de ra­dıasııalyq qaýipsizdikti qamta­masyz etý boıynsha da daıyndyqtan ótti.

Saqshylar aǵylshynsha sóıleıdi

Kórme qarsańynda el­orda polı­sııa­synyń jeke quramyna kórme qo­naq­ta­rynyń qaýipsizdigin qam­tama­syz etý, nysan­dar­dy kúsheıtý jáne qyl­mys­tar men quqyq buzý­shy­lyq­tar­dyń aldyn alý úshin qoıyl­ǵan mindetterdi oryndaý jaý­ap­kershiligi artylyp otyr. Sondaı-aq, sharanyń jo­ǵary mártebesi eskerilip, po­lısııa qyzmetkerleriniń ká­sibı jáne qyzmettik daı­­yn­­­dyǵyna basa nazar aý­dary­lady. EKSPO barysynda qo­ǵamdyq tár­tipti qada­ǵa­­laýǵa tartylatyn ishki is­ter organdarynyń alpysqa jýyq qyzmetkeri profaılıng ádisin meń­gerdi. Bul – je­ke belgilerdi, syrt­qy kel­betiniń sıpattamalaryn, ver­baldy jáne verbaldy emes tártibin taldaýdyń ne­giz­inde adam­nyń áreketterin boljaýdyń psı­hologııalyq ádisteri men ádis­te­me­le­riniń jıyntyǵy. Sonymen qatar, kór­meniń ashylýyna oraı taǵy bir myń polısııa qyz­met­keri aǵylshyn tilin meńgermek. Kýrstar aptasyna úsh ret lınga­fon­dyq qural-jab­dyqtary bar ból­mede óte­di. Onda aǵylshyn tilin­de qarym-qatynas ere­jeleri de úı­retiledi. Po­l­ısııa qyz­metkerlerin jo­­ǵa­ry bi­likti pedagogtar oqy­ta­dy, olar polısııanyń til­dik ereksheligine beı­im­del­gen ádistemelerdi qol­da­nad­y. Bul óz kezeginde she­t­­el­dik aza­mattardyń óti­nish­te­rine jedel jaýap berý­ge múmkindik berip, po­lı­sııa­nyń ımıd­jine oń yq­pal ete­di.

Beınebaqylaý tynyshtyqty bekemdeıdi

О́tken jyly Jedel bas­qarý orta­l­yǵynyń qyz­met­kerleri beın­e­ba­qylaý júıe­leriniń kómegimen 444 qylmystyq isti, 67 659 ákimshilik quqyq bu­zý­shy­lyqty jáne jol ere­je­le­rin buzýdyń 23 953 deregin anyq­­taǵan bolatyn. Búginde el­ordada 800-ge jýyq beı­ne­baqylaý kamerasy bar. Bul tártip saqshylarynyń qyl­mystardyń aldyn alýyn jáne olardy ashý ju­mys­taryn edáýir jeń­il­de­tetini ras. Bıyl ótetin EKSPO­-2017 ha­­­lyq­­ara­lyq kór­mesine oraı qala ma­ńy aýmaǵyn qam­tı otyryp, taǵy da 2 myńnan astam beıneka­mera or­natý josparlaný­da. Sonymen birge, 80 kó­she qıylysynda, 50 je­lilik ýchas­kede foto jáne beı­ne­­tir­keý keshenderin orna­tý kóz­delgen. Ma­­man­­dar­dyń aıtý­ynsha, bul ju­mys­tar aýqymdy sha­ra barysyn­da qonaqtar men qala turǵyndarynyń qaýipsizdigin, tynyshtyǵyn qam­tamasyz etýge septesedi. Ashat RAIQUL, «Egemen Qazaqstan»