Qazaqstan – demokratııalyq damý jolyndaǵy el

Prezıdent Nursultan Nazarbaevtyń Qazaq­stan­daǵy bılik tarmaqtary­nyń ókilettigin qaıta bólý týraly Úndeýi der kezinde jarııalanýy­men qundy jáne ony joǵary baǵalaýymyz kerek. Sondaı-aq, bul bastama Qazaqstannyń erteń­gi damýyna qatysty bizdiń oı-tujyrymdarymyzdy tolyqtyra túsetini sózsiz. Prezıdent N.Nazarbaevqa Qazaq­stan táýelsizdiginiń alǵashqy jyldarynda qoǵamdy ıgi iske uıystyryp, ekonomıkany aıaqtan turǵyzý ońaıǵa túspedi. Qalaı desek te, ol eldiń eńsesin tikteı aldy. Endigi jerde N.Nazarbaev Qazaqstan úshin jaqyn jyldary júzege asyrylýy yqtımal úlken saıası ózgeris jasaýǵa kirisip ketpek. Iаǵnı, Memleket basshysy qazirgi Prezıdenttiń keıbir ókilettikterin Parlament pen Úkimetke berý jóninde bastama kóterip, ony qoǵam talqysyna salýda. Bul − quptarlyq is. Prezıdenttiń basym­dyqtary strategııalyq mańyzǵa ıe ári ol túrli bılik tarmaqtaryndaǵy baı­lanysta shynaıy tóreshi ınstıtýt bolyp tabylady dep sanaımyn. Búgingi tańda halyqaralyq qoǵamdastyq Qazaqstanǵa Eýropa men Azııa arasyn baılanystyrý­shy dáneker el retinde qaraıdy. Sondyqtan da, Prezıdent syrtqy saıasat pen ulttyq qaýipsizdik jáne eldiń qorǵanys salasyn basty nazarǵa ala otyryp, osyndaı ózgeris engizýge nıetti. Demek, Prezı­dent N.Nazarbaevtyń bul Úndeýin danagóılik dáleli dep ataýǵa tolyq negiz bar. Ol óziniń asa mańyz­dy ókilettigin bólisip, quzyretin tabystaýda Qazaqstandaǵy bılik ınstıtýttarynyń rólin de qaperden shyǵarmaýda. Osylaısha, Qazaqstan demok­ratııa­lyq damý jolymen júrip keledi. Men bul eldiń halqy mun­daı reformany quptaıdy degen senimdemin. Lorana TAIEBA, «Prestige Communication» tobynyń bas dırektory (Fransııa)