«Qazaq qymyzy» qaýymdastyǵy quryldy

Erteden astyń adaldyǵyna mán bergen halyq jylqy eti men sútin salamatty ómir salty úshin de paıdalanǵan. Qymyzdyń qasıetin tereń túsingen ata-babalarymyz sonaý qıyn-qys­taý kezeńderde de ulttyq sýsyn­nan qol úzip ketken joq. Qambar ata túliginiń qadir-qa­sıeti de tórt qubylamyzdy túg­en­dep tu­r­­ǵandaı. Biraq sońǵy kez­deri «qymyzdy nemisterdiń pa­tent­­tegeni» týraly áńgimeler de aıty­lyp qalyp júr edi. Alaıda ǵ­a­syrlar boıy qazaqtyń qanyna siń­gen qasıet óziniń ıgiligimen de ulttyń bolmysynan alystama­sy anyq. Jeri shuraıly Jambyl óńiri – aýyl sharýashylyǵy úshin de óte qolaıly meken. Ásirese jaz jaı­laýy, qys qystaýy jylqy ma­lyna jaıly. Sondyqtan da ob­lysta ulttyq sýsynnyń bási joǵary. Osy sózimizdiń dáleli, jýyrda ǵana oblystyń qymyz óndirýshileri bir uıymǵa birigý jóninde ortaq uıǵarymǵa kelip, nátıjesinde ulttyq ónim túrin óndirýshilerdiń «Qazaq qymyzy» qaýymdastyǵy quryldy. Jalpy, mundaı uıym qurý tý­­raly bastama ótken jyly qy­­myz óndirýshi kásipkerler men sharýa qojalyqtary jetek­shi­­leri arasynda da kóterilgen bo­­latyn. Qazirgi tańda bul bas­ta­ma oblystan qoldaý taýyp, sha­rýashylyq jaıyn sha­ryq­ta­typ keledi. Qymyzdyń myń da bir túrli aý­rýǵa em ekeni yqylymnan bel­gili. Sondaı-aq, salamatty ómir sal­tyn ustanýǵa da úlken sep. «Aýyryp em izdegenshe, aýyr­maý­dyń jolyn izdeıtin» ha­lyq­tyń da ulttyq brendke degen su­ranysy joǵary bolady degen úmit zor. Almanııa memleketi syra fes­tı­valin ótkizýmen, al Úndistan ún­di shaıyn óndirýmen aty shyq­qan elder sanatynda. Árbir el­diń ózindik ereksheligi men qol­t­ań­basy bar. Al qazaqtyń mań­daı­yna buıyrǵan, talaıyna syı bo­lyp tartylǵan qymyzdyń jó­ni bir basqa. Hamıt ESAMAN, «Egemen Qazaqstan» TARAZ