Ońtústikten Iranǵa et eksporttalady

Iran Islam Respýblıkasynan kelgen bir top delegasııa ońtústikke at basyn burmas buryn aımaqtyń ahýalyn zerttep, esep-qısap júrgizgeni anyq. О́ıtkeni, tabys tabýǵa baǵyttalǵan kapıtaldy quıatyn árbir ınvestordyń birinshi kezekte óńirdiń iskerlik jáne ınvestısııalyq ahýaly men jasalatyn jeńildikterge mán beretini málim. Bul oraıda, Ońtústik Qazaqstan oblysynda shaǵyn jáne orta bıznesti damytý maqsatynda memleket tarapynan túrli tıimdi jeńildikter qarastyrylyp, ınvestorlarǵa qolaıly jaǵdaılar jasalýda. Ákimshilik kedergiler de meılinshe azaıtylyp otyr. Sonymen qatar, Elba­sy N.Nazarbaevtyń aýyl sha­­rýashylyǵyn ár­ta­rap­tandyryp, 2021 jylǵa qaraı azyq-túlik taýary eksportyn 40%-ǵa kóbeıtý jónindegi tapsyrmasy ınvestısııa tartý baǵytyndaǵy jumystardy jandandyra túsýge min­det­teı­­di. «Qazaqstannyń ag­ro­óner­­kásip kesheniniń bo­la­sha­ǵy zor. Kóptegen pozısııa­lar boıynsha biz álemde iri agrarlyq eksporttyq ónim óndirýshilerdiń bi­ri bola alamyz. Bul, ási­re­se, ekologııalyq taza ta­ǵamdarǵa qatysty. «Made in Kazakhstan» brendi sondaı ónimderdiń etalony bolýǵa tıis», dedi N.Nazarbaev «Qazaqstannyń úshinshi jań­­ǵyrýy: jahandyq báse­ke­­ge qabilettilik» atty Jol­daýynda. О́ńirdiń ın­ves­­tı­sııalyq ahýaly, eko­lo­­gııa­lyq taza aýyl­sha­rýa­shy­lyq ónimderi kó­ńi­li­nen shyq­qan Iran Islam Res­pýb­lı­kasy Aýyl sharýa­shy­ly­ǵy mınıstriniń keńesshisi Mır­logı Seıedalıakbar Agareza oblys ákimi Janseıit­ Túımebaevpen kez­de­sýin­de eki el úshin de tıim­­di bo­­la­tyn jobalardy jú­ze­ge asyrýǵa nıetti eke­nin jet­ki­z­di. Sondaı-aq, kez­desý ba­rysynda taraptar bir­les­ken kásiporyndar qurý, teh­no­logııalardy jetildirý, aýyl sharýashylyǵy salalaryn damytý jaıyn sóz etti. Bir­­­lesken kásiporynnyń al­ǵash­qysy ashylyp ta úlgerdi. Iranda jyldyq etke qa­jet­t­ilik 2 mln 400 tonnany qu­raıdy eken. Bul oraıda ońtústikten kúnine 60 tonnadan astam ekologııalyq ta­za et eksporttalmaq. Ony kú­ni keshe Saıram aýdanynda ırandyq ınvestorlardyń qa­tysýymen ashylǵan iri kó­lem­de et jáne et ónimderin daıyndaıtyn jańa kombınat júzege asyratyn bolady. Munda táýligine 3000 usaq mal men 200 iri qara soı­ylyp, ázirlenedi. «Qaıyp ata» JShS-niń enshiles qo­jalyǵy bolyp tabylatyn «IýKO-EKO-FOOD» et kombınaty bul jobany Iran memleketimen bir­le­se bastap otyr. Jańa et kom­bınatynyń ashylý saltana­tyna oblys ákimi men Iran Islam Respýblıkasynyń Aýyl sharýashylyǵy mını­stri­niń keńesshisi bastap kel­gen delegasııa qatysty. Kó­lemi 15 gektar bola­tyn et kombınatynyń 2000 sharshy metrden as­tam aýmaǵy ón­di­ristik qu­ry­lymǵa ne­giz­delgen. Ger­ma­nııalyq teh­­nologııamen jabd­yq­tal­­ǵan kásiporyn tolyq qýat­tylyǵyna shaqqanda 5 myń usaq mal eti óndirilip, jer­gi­l­ikti 350 adamdy jumyspen qam­tamasyz etpek. Jobanyń ınves­tısııalyq qunynyń 75 paıyzyn ırandyq ınvestorlar salǵan. Ǵalymjan ELShIBAI, «Egemen Qazaqstan» Ońtústik Qazaqstan oblysy