Iýha TENHÝNEN,
Fınlıandııa quramasynyń shańǵyshysy Nea Lýýkkonyń jattyqtyrýshysy:
– Ýnıversıada aspanynda qalyqtaǵan qonaqjaı peıilge shyn tánti boldym. Uıymdastyrýshylar, sportshylar, jankúıerler, bári de bir-birine degen syı-qurmetten jańylǵan joq. О́z basym kórgen-bilgenimnen óte zor áser aldym.
Elızaveta TÝKTAMYShEVA,
Reseı quramasynyń mánerlep syrǵanaýshysy:
– Zal toly kórermenderge meniń ónerim unady. Sáıkesinshe, «Almaty Arenadaǵy» kóterińki kóńil kúı meni de qanattandyrdy. Jankúıerler úshin biz bárine de daıynbyz. О́nerimiz olarǵa umytylmas sátter syılap jatsa, biz ózimizdi baqytty sanaımyz.
Djeremı FLENAGAN,
Avstralııa quramasynyń bıatlonshysy:
– Qazaqstan týraly erekshe pikirdemin. Buryn men Qazaqstan týraly eshteńe de bilmeıtin edim. Endi, meniń kózqarasym ózgerdi. Mundaǵy sporttyq nysandar meni qatty tań qaldyrdy. Almatydaǵy bıatlon stadıony men kórgen stadıondardyń ishindegi eń jaqsysy.
Larısa LAÝDEN,
AQSh volonteri:
– Atletter aýylynda turdym. Turmysymyz jaıly boldy, tamaǵy da óte dámdi bolǵanyn aıtý kerek. Bolashaqta Almatyǵa taǵy bir kelsem deımin. О́ıtkeni, men bul qalaǵa ǵashyq bolyp qaldym. Tabıǵaty tamasha, adamdary da aqpeıil eken.
Mılan GRÝNI,
Italııa quramasynyń short-trekshisi:
– Qazaqstanda birinshi ret bolýym. Kóp ýaqytym Atletter aýylynda ótkenimen, qol qalt etkende Almatyny aralaýǵa da ýaqyt taptym. Maǵan bári de unady. Ras, aýa raıy azdap sýyq eken. Esesine, adamdardyń ystyq yqylasy, tamyljyǵan tabıǵat janymyzdy jylytty.
Stıýart MOGG,
Ulybrıtanııa quramasynyń hokkeıshisi:
– Almaty halqynyń bizge degen yqylasy keremet boldy. Bizdi patshaıym otbasynyń múshelerindeı qarsy aldy. Sporttyq ǵımarattardan alǵan áserim aıtyp jetkizgisiz. Mundaı muz aıdyndarynda hokkeı oınaýdyń ózi bir ǵanıbet!
