AQSh-taǵy Ýınston Cherchılldiń ulttyq mýzeıinde Brıtanııanyń burynǵy premer-mınıstri Ýınston Cherchılldiń jatplanetalyqtardyń bolýy múmkin ekeni týraly 11 bettik essesi tabyldy, dep jazady BBC.
1939 jyly, Ekinshi dúnıejúzilik soǵystyń aldynda, Cherchıll "Ǵalamda biz jalǵyzbyz ba?" degen taqyryppen esse jazǵan eken. Keıin 1950 jyldary qaıta túzetkenimen, týyndy sol qalpy jarııalanbaı qalǵan.
"Bul esseni jarııalasaq tamasha bolar edi. Biraq avtorlyq quqyq máselesi oǵan qaıshy keledi. Degenmen, adamzat úshin óte mańyzdylyǵyn eskersek, kópshiliktiń ıgiligine esseni jarııalaýǵa bolar edi", - deıdi ızraıldik astrofızık Marıo Lıvıo.
Úkimet basqaryp turǵan kezinde-aq Cherchıll zertteý jumystaryna erekshe qyzyqqan eken. Ol tarıhta alǵash ret ǵylym máselesi boıynsha keńesshisi bolǵan Brıtanııa premer-mınıstri.
Sonymen qatar, soǵystan keıingi jyldary úkimet basshysy ǵylymǵa erekshe mán berip, ǵylymdy qarjylandyrýdy kóbeıtkeni belgili.
Fýltondaǵy mýzeı qyzmetkerleriniń málimetinshe, esse bul jerge 1980 jyldary kelgen.
Bir qyzyǵy, ǵylymda jatplanetalyqtardyń bolýy múmkin degen tujyrymdama osy esse jazylǵannan jarty ǵasyr keıin shyqqan. "Jaqyn bolashaqta tek Aıǵa ǵana emes, sonymen qatar Sholpan juldyzy men Marsqa da sapar shegetin múmkindik týady", - delingen essede.
