Gýanchjoýdyń Gýndan provınsııasynda jyl saıyn ótetin shamdar festıvalinde Ehang kompanııasynyń mamandary bir ýaqytta myńnan artyq drondardy aspanǵa ushyrdy. Olardyń barlyǵyn bir ınjener biriktirilgen pýlt arqyly basqardy, dep habarlaıdy Global Times.
Bir aıta keterligi, pılotsyz ushatyn apparattar osy shara barysynda alty túrli kúrdeli formasııa oryndaǵan. Mamandardyń aıtýynsha, kóp toptan turatyn drondardy bir ýaqytta basqarý algorıtmi kúrdeli bolǵandyqtan, osy kúnge deıin tek júzden artyq apparattardy ǵana basqarý múmkindigi bolǵan. Esterińizge sala ketsek, buǵan deıin Pentagon mamandary 100 pılotsyz ushatyn apparattardy bir jasandy ıntellekt arqyly basqaryp ushyrǵan bolatyn. Ol kezde 103 dron eki túrli ushaqtan basqarylyp, keıin bir topqa biriktirilgen edi. 2017 jyldyń sońyna deıin Pentagon osy tájirıbeni 1000 dronmen qaıtalap kórmek.
