Úndistan aldaǵy birneshe jyldyń ishinde eki ǵalamsharǵa ekspedısııa jasamaq. Úndistannyń ǵaryshtyq zertteý uıymy (ISRO) Mars pen Veneraǵa ǵarysh apparattaryn jiberedi, dep habarlady Times of India.
Elde búgingi tańda Venera ekspedısııasy boıynsha jumystar bastalyp ketken. Al Marsqa apparat 2021-2022 jyldary jiberiledi dep josparlanýda.
Úndistannyń bul ekspedısııalary osy el tarıhyndaǵy ekinshi jáne úshinshi tájirıbe bolmaq. Sebebi 2013 jyly "Mangalıan" stansasy Marsqa jiberilip, toǵyz aıdan keıin ol Qyzyl ǵalamshardyń orbıtasyna sátti qonǵan bolatyn. Bul Úndistandy apparattaryn bir jibergennen Marsqa sátti qondyrǵan alǵashqy el atandyrdy. Al Qyzyl ǵalamsharǵa ekinshi tájirıbe barysynda jiberiletin apparattar endi ózdiginen júretin qurylǵylarmen tolyqtyrylmaq.
Qazirgi tańda bul tájirıbelerge Fransııanyń ulttyq ǵaryshtyq zertteý ortalyǵy (CNES) da qatysýǵa daıyn ekendikterin bildirip otyr.
