Áset Isekeshev: Astana jahandyq qalaǵa aınalýǵa tıis

Memleket basshysynyń Ult jospary – 100 naqty qadamynda  belgilep bergen tapsyrmalaryn eskere otyryp, 69-qadamǵa sáıkes, Astana Eýrazııa keńistigindegi mańyzdy ortalyqqa aınalýy tıis. Astana jaıly jáne jahandyq qalaǵa aınalýy kerek. Elorda ákimdigi asa ózekti ótinishterdi qurylymdap, bar máselelerdi sheshý boıynsha aldaǵy 3 jylǵa naqty sharalar keshenin ázirledi, olar 2016-2020 jyldary Astana qalasyn damytý baǵdarlamasyn túzetý kezinde eskerildi. Bul týraly búgin elorda ákimi Áset Isekeshev qala halqymen esep berý kezdesýinde málim etti. «Biz qalanyń ár aýdany boıynsha egjeı-tegjeıli taldaý júrgizdik, «109», «Ákimdiktiń biryńǵaı elektrondyq ótinishter júıesin» taldadyq. Meniń áleýmettik nysandardy aralaý, aýdandar ákimderiniń halyqpen eseptik kezdesýleri, Ashyq esik kúnderi jáne «Nur Otan» partııasy fılıalynyń jelisimen ótken sharalar barysynda 50 myńnan asa suraq jáne ótinish tústi», – dedi qala ákimi. «Belsendi azamat-2017» Ashyq esik kúnin ótkizý sheńberinde Astana qalasynyń ákimdigine 2845 jazbasha jáne 2357 aýyzsha ótinish tústi. Sharaǵa 3312 elorda turǵyny men qonaqtary qatysty. 30 qańtar men 8 aqpan aralyǵynda aýdandardyń ákimderi Astana qalasynyń halqymen 22 eseptik kezdesý ótkizdi. 6589 adam qamtyldy. Túsken suraqtar/ótinishterdiń sany – 939, sonyń 553-i – jazbasha, 386-i – aýyzsha. Sonymen birge, áleýmettik zertteýler, áleýmettik jelilerdegi ótinishterge monıtorıng júıeli túrde júrgiziledi. Barlyq salalarda árbir memlekettik organnyń mindetteri men maqsattary anyqtalǵan», – dedi Áset Isekeshev. «Túzetilgen baǵdarlamanyń basty basymdyǵy – qala turǵyndarynyń áleýmettik ál-aýqatynyń deńgeıin arttyrý. Bul baǵyttaǵy jumys 2 mindetti sheshýge baǵdarlanady:  bilim, densaýlyq saqtaý salalarynda kórsetiletin qyzmetterdiń deńgeıin kóterý, qoǵamdyq kóliktiń jumysyn, ekologııany, qaýipsizdikti, turǵyn úı jaǵdaılaryn jaqsartý, azyq-túlikpen qamtý arqyly ómir súrý sapasyn jaqsartýǵa qol jetkizilmek. Halyq kiristeriniń ósýine jańa ekonomıkalyq strategııa arqyly, jeke ınvestısııalardy tartý, jappaı kásipkerlikti damytý arqyly qol jetkizilmek», – dedi ákim.