«Myń tyrna» ańyzy

«Qazaqstan Respýblıkasynyń Tuńǵysh Prezıdenti – Elbasy kitap­hanasy» memlekettik mekemesiniń Interaktıvti bilim berý ortalyǵynda turǵan baǵaly jádigerdiń biri – 2002 jyly Prezıdent N.Nazarbaevqa tartý etilgen, japon balalarynyń óz qoldarymen búktegen «1000 qaǵaz tyrnasy». Prezıdenttiń Semeıdegi ıadrolyq polıgondy jabý jáne «ATOM» halyqaralyq jobasyn qurý jónindegi bastamalaryna japon balalary rızashylyqtaryn osylaı bildirgen. Al endi «qaǵaz tyrnalarǵa» kelsek, «ol nege 1000 tyrna?» degen saýal týýy múmkin ǵoı. Hırosımadaǵy jarylystan keıin eki jastaǵy Sasakı Sadako degen qyz tańǵalarlyq jaǵdaıda aman qalǵan. Biraq on jas­tan asa bergende qan obyry aýrýyna shaldyǵady. Sonda qyz aýrýhanada jatyp «qaǵazdan myń tyrna jasasań, tilegiń oryndalady» degen japondardyń eski ańyzy boıynsha bos ýaqytynda qaǵazdan tyrna jasaı beredi. Sasakı 12 jasynda qaıtys bolady. Tek 644 tyrna jasap úlgeripti. Dostary ol jasaı almaǵan tyrnalardyń ornyn toltyrady. Sodan beri japondarda «myń tyrna» ańyzy tirilip, tynyshtyqtyń, tilektiń oryndalýynyń sımvolyna aınalǵanǵa uqsaıdy. Bir jaǵynan qaǵaz búkteý japondarda úlken óner sanalady. Qaǵazdan túrli nárseler jasaý óner sanalady. Ony olar orıgamı dep ataıdy. Aıgúl SEIILOVA, «Egemen Qazaqstan» Sýretti túsirgen Orynbaı BALMURAT