Konstıtýsııalyq reforma týraly áńgimeledi

Parlament Senaty Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva Fransııa Ulttyq Assambleıasynyń depýtaty Terı Marıanımen kezdesti, dep habarlady Parlament Senatynyń baspasóz qyzmeti. D.Nazarbaeva meımanǵa Pre­zı­dent ókilettiginiń bir bóligin zań shyǵarý jáne atqarýshy bılik tar­maqtaryna berýdi kózdeıtin Qazaq­standaǵy konstıtýsııalyq refor­malar týraly, sondaı-aq Úki­mettiń Parlament aldynda eseptiligin arttyrý týraly áń­gimeledi. Bıylǵy jylǵy Fran­sııada bolatyn prezıdent saılaýy týraly pikir almasyldy. T.Marıanı Eýrazııadaǵy ın­tegrasııalyq úrdisterge nazar aýdardy. Osyǵan baılanys­ty D.Nazarbaeva EAEO men Eýro­palyq odaq arasyndaǵy únqa­ty­sýdyń óristeýine úmit artaty­nyn, ol ekonomıkalyq, saýda já­ne gýmanıtarlyq baılanystardy damytýǵa oń yqpal etetinin jet­kizdi. Kezdesý barysynda eki memleket betpe-bet kelip otyrǵan ter­rorızm máselesine de na­zar aýdaryldy. D.Nazarbaeva bul qatermen kúres Qazaqstanda qalaı júrip jatqany týraly habardar etti. Fransýz parlamentshisi Qazaq­stan mektepteriniń tájirıbesin, jas­tarǵa teris nasıhat júrgizýdiń aldyn alýǵa múmkindik beretin tarıh pen dintaný negizderin oqy­tý baǵdarlamasymen tanysýǵa yqy­lasty ekenin jetkizdi. Sondaı-aq, quqyqtyq máseleler, atap aıt­qanda, Taıaý Shyǵystaǵy terro­rıstik toptarǵa qosylǵan adam­dar­dyń azamattyǵyn shekteý múm­kindigi de talqylandy. D.Nazarbaeva fransýz par­lament­­shisin Astanada ótetin EKSPO-2017 halyqaralyq kórme­sine kelýge shaqyrdy jáne shara aıasynda sheteldik kompa­nııa­larǵa arnalǵan aýqymdy múm­kin­dikterdi atap ótti. T.Marıa­nı óz kezeginde qazaqstandyq árip­testerin 6 naýryzda Parıjde ótetin «Fransııa aımaqtarynyń Ortalyq Azııa elderimen ekonomıkalyq yn­ty­maqtastyǵynyń keleshegi» konferensııasyna qatysýǵa sha­qyrdy. D.Nazarbaeva bizdiń mem­le­ket­terimiz arasyndaǵy ekonomı­kalyq baılanystarǵa qosymsha serpin beretin forýmǵa Senat dele­gasııasynyń qatysatynyn aıtty.