Agrarlyq salada atqarylar sharýa kóp

Almatydaǵy Qazaq ulttyq agrarlyq ýnıversıtetinde Elbasy Nursultan Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» atty Joldaýy aıasynda «Agroónerkásiptik keshen – Qazaqstan Respýblıkasy ekonomıkasynyń draıveri» taqyrybynda respýblıkalyq forým ótti. Oǵan agrarlyq saladaǵy elimizdiń aıtýly ǵalymdary men atalǵan ýnıversıtet ujymy qatysty. Jıyn barysynda azyq-túlik qaýipsizdigi, onyń túrlerin ekologııalyq taza ári sapaly óndirý, eksport kólemin kóbeıtý, maı daqyldary men jemshóp daqyldarynyń egistik kólemin arttyrý, mal sanyn kóbeıtý sııaqty birqatar máseleler aıtyldy. Jer qunarlylyǵyn saqtaı otyryp, jeke sharýashylyqtarǵa qoldaý kórsetý máselesi de nazardan tys qalmady. Qazaq ulttyq agrarlyq ýnıversıtetiniń rektory, akademık Tilektes Espolov agrarlyq sektorǵa baılanysty Joldaýda aıtylǵan ózekti máselelerge toqtaldy. «Búgingi kúni mal sharýa­shylyǵy óniminiń sapasy men ónimdiligine erekshe kóńil bólinip otyr. Mal sharýashy­lyǵyn irilendirýde qazirgi tań­daǵy álem talabyna baılanys­ty jańa ınnovasııa men teh­no­logııany elimizge alyp kelýimiz qajet. О́zderińiz biletin­deı, 2016 jyly aýyl sharýashy­lyǵy kooperatıvi týraly zań qabyldandy. Oǵan deıin eli­mizde 5 zań qabyldanǵan bolatyn. Ekeýi salalyq, úsheýi maman­dan­dyrylǵan. Soǵan baılanysty aýyl sharýashylyǵy koope­ra­tıvterin sýbsıdııalan­dyrý jóninde erekshe kelisim­der qabyldandy. Aýyl sharýashylyǵy kooperatıvterine salyq kólemi jóninen 70 paıyz jeńildik kórsetilip otyr. Bul − memleket tarapynan úlken qoldaý», dedi rektor. Atalǵan bilim oshaǵyndaǵy «Agronomııa» kafedrasynyń meń­gerýshisi professor Serik Oraz­baev: «Prezıdent Joldaýyna baı­lanysty biz kooperasııa máselesin kóterip otyrmyz. Aýyl sharýashylyǵyndaǵy usaq sharýashylyqtardyń basyn biriktirip, iri sharýashylyqtarǵa aınaldyrý, ár salany jeke jetildirýge basa nazar aýdara kelip, mal sharýashylyǵy, ósimdik sharýashylyǵy, seleksııa sııaqty aýyl sharýashylyǵynyń negizgi jumystaryna zor kóńil bólinýde. Bizdiń ýnıversıtet osy saladaǵy bilikti, zamanaýı tehnologııalardy meńgergen saýatty kadrlar daıarlaýǵa kúsh salyp jatyr», − dep málimdedi. El ekonomıkasynyń bir tynysy − agrarlyq salany damy­týǵa mem­leket tarapynan kóp qoldaý kórse­ti­lýde. Elba­sy aıtqandaı, «Aýyl sharýa­shy­lyǵyn ekonomı­kanyń draıverine aınaldyrý» − búgingi kúnniń ne­gizgi talaby. Arman OKTIаBR, jýrnalıst