Oryndy saýal – ońdy sheshimder bastaýy

Májilis depýtaty Sáken О́tebaev Premer-Mınıstr Baqytjan Saǵyntaev­tyń atyna depýtattyq saýal joldap, Ispanııanyń «Patents Talgo» kompanııa­symen birlesip, zamanaýı talaptarǵa saı jolaýshylar vagondaryn shyǵaratyn otandyq «Tulpar-Talgo» zaýyty jyl saıyn 400-den astam jolaýshy vagondaryn shyǵaryp jatqanyn aıta kelip, alaıda, Astana men Almatydan Oral jáne Aqtaý qalalaryna qatynaıtyn «Tulpar-Talgo» poıyzdary áli kúnge bolmaı otyrǵanyna ókinish bildirgen. Sondaı-aq, depýtat Almaty – Semeı – Pavlodar, Astana – Arqalyq, Almaty – Saryaǵash jolaýshylar poıyzdarynyń da eski ekendigin tilge tıek etken. Basqa óńirlerde de osyndaı jaǵdaıdyń bar ekenin aıta kelip, «Qazaqstan temir joly» Ulttyq kompanııasy» AQ-tyń jalpy óńirler baǵdarlamasyn qaıta qarap, eski jolaýshylar vagondaryn jańa vagondarǵa aýystyrý máselesin qarastyrýdy suraıtynyn aıtqan. Saýalǵa Premer-Mınıstr Baqytjan Saǵyntaevtan mynadaı jaýap keldi: «Qazirgi ýaqytta qyzmet kórsetý sapasyn jaqsartý jáne jolaýshylardyń jolda bolý ýaqytyn qysqartý maqsatynda 13 baǵyt boıynsha, onyń ishinde 2016 jylǵy 11 jeltoqsannan bastap Almaty–Astana baǵyty boıynsha jáne 2017 jyl­ǵy 1 qańtardan bastap Almaty – Shym­kent baǵyty boıynsha «Tulpar-Talgo» JShS vagondarynan júrdek jolaý­shylar poıyzdarynyń qatynaýy uıym­das­tyrylyp otyr. Sondaı-aq, 2017 jyl­dyń birinshi jarty jyldyǵynda joǵa­ry­da kórsetilgen vagondardan Astana – Oral jáne Almaty – Oral baǵyttaryna poıyz­dardyń qatynaýyn uıymdas­tyrý josparlanǵan. Budan basqa, EKSPO-2017 halyq­aralyq kórmesin ótkizý kezin­de Almaty – Qostanaı, Astana – Aqtaý, Astana – Atyraý, Astana – Shymkent jáne Astana – Altynkól baǵyttary boıynsha qosymsha poıyzdardy iske qosý josparlanýda. Sizdiń jazǵandaryńyzdy eskere otyryp, jolaýshylar vagondaryn jańartý boıynsha, onyń ishinde otandyq óndiristiń vagondarynan júrdek poıyzdardyń sanyn arttyrý jóninde josparly jumystar júrgizilýde», delingen jaýapta. Temir jol qatynasy máselesine baıla­nys­ty taǵy bir saýaldy depýtat Káribaı Mu­syr­man da jasaǵan edi. Ol Investı­sııa­lar jáne damý mınıstri Jeńis Qasym­bek­ke saýal joldap, Qyzylorda – Kókshetaý baǵy­tyn­da qatynaıtyn poıyzdyń baǵy­tyn Kók­shetaýdan Petropavlǵa deıin uzar­tý qa­jet­tigin aıtqan bolatyn. Depýtattyq saýalda: «Elbasymyzdyń bastamasymen 2014 jyl­dan beri júzege asyrylyp kele jatqan «Máń­gilik El jastary – ındýstrııaǵa», «Ser­pin-2050» áleýmettik jobalary boıyn­sha búgingi tańda Petropavl qalasynyń jo­ǵa­ry jáne orta arnaýly oqý oryndaryn­da elimizdiń jumys kúshi artyq óńirlerinen kelgen 1036 stýdent tegin bilim alyp júr. Olar­dyń kópshiligi Ońtústik Qazaqstan, Jam­byl jáne Qyzylorda oblystarynan. Ser­pin­dikterdiń ókilderi jýyrda bizge kelip, óz­deri­niń ártúrli turmystyq sebeptermen, son­daı-aq, qysqy jáne jazǵy kanıkýldar kezin­de týǵan óńirlerine baryp-qaıtýy qıyn­ǵa soǵyp turǵandyǵyna shaǵymdandy. О́ıt­­keni, qazir elimizdiń ońtústik jáne sol­tús­­tik aımaqtary arasynda týra qaty­naı­tyn jalǵyz-aq Qyzylorda – Kókshe­taý poıyzy bar. Bul poıyz bir kezde Qyzyl­orda – Petro­pavl poıyzy dep atalyp, Petropavl qala­syna deıin qatynaǵan bolatyn. Alaıda, keıin «Petropavlǵa deıin qatynaıtyn jolaýshylar jetkiliksiz bolǵandyqtan, ózin ózi ekonomıkalyq jaǵynan aqtamady» degen sebeppen onyń baǵyty qysqartylǵan edi. Endi joǵaryda atalǵan áleýmettik baǵdar­lamalar aldaǵy ýaqytta jalǵasyn taba­tyn­dyǵyn eskersek, soltústik jáne basqa óńirler arasynda poıyzben qaty­naı­­­tyn jolaýshylar aǵyny jyldan-jyl­ǵa ul­ǵaıa túsetindigi aıqyn. Sondyqtan da «Ser­pin-2050» áleýmettik jobasy men «Jumys­pen qamtýdyń jol kartasy-2020» mem­leket­tik baǵdarlamasynyń tıimdiligin art­tyrý maqsatynda Qyzylorda – Kókshe­taý poıyzynyń baǵytyn Petropavl qala­s­ynyń temir jol stansasyna deıin qaıta­dan uzartýdy ótinemin», delingen. Sol saýalǵa mınıstr J.Qasymbektiń aty­nan mynadaı jaýap keldi: «Investı­sııa­­lar jáne damý mınıstrligi sizdiń depý­tat­tyq saýalyńyzdy qarastyryp, kelesini ha­bar­laıdy: ońtústik óńirlerden soltús­tik óńirge tikeleı jetý úshin temir jol kóli­gine degen halyqtyń sura­ny­syn qana­ǵat­tand­yrý maqsatynda kúnara qaty­naıtyn Qyzy­l­orda – Astana baǵytyndaǵy №75/76 jolaýshylar poıyzynyń jolyn Petro­pavl qalasyna deıin uzartý boıynsha ju­mys­tar júrgizilýde. Bul, óz kezeginde jol júrý kestesin Reseı tarabymen qysqa mer­zimde kelisý jáne 2017 jylǵa bólingen res­pýb­lıkalyq bıýdjet qarajaty esebinen qosym­sha qarjy qarastyrý sekildi shara­lar­dy qam­tıdy. Atalǵan jumystar oń sheshi­min tap­qan jaǵdaıda, Qyzylorda – As­tana baǵy­tyndaǵy №75/76 jolaýshylar po­ıy­zynyń jolyn Petropavl qalasyna de­ıin uzartý josparlanyp otyr», delingen jaýapta. Bir qýanarlyǵy, búginde atalǵan poıyz Petropavlǵa deıin júre bastady. Sóıtip, depýtattardyń aralasýymen temir jol salasyndaǵy keıbir halyq qajetin óteıtin sharalar júzege asýda. Ázirlegen Jaqsybaı SAMRAT, «Egemen Qazaqstan»