Tikeleı quıylymdar tórt ese ósken

Keshe Úkimet úıinde Investısııalar jáne damý mınıstrliginiń ókilderi «Qazaqstannyń Úshinshi jańǵyrýy: jahandyq báse­kege qabilettilik» atty Memleket basshysynyń Jol­daýyn júzege asyrýǵa arnalǵan baspasóz-máslıhatyn ótkizdi. Investısııalar jáne damý vıse-mınıstri Roman Sklıar kólik-logıstıka áleýe­tin, qury­lys salasyn jáne tur­ǵyn úı-kommýnaldyq sharýa­shylyǵyn damytý boıynsha Prezıdenttiń tapsyrmalaryn júzege asyrý jónindegi mınıstrliktiń josparlary týraly aıtty. R.Sklıardyń aıtýynsha, «Nur­ly jol» memlekettik baǵdar­lamasy boıynsha 2017 jyly 4,4 myń shaqyrym jolda jumys júrgiziledi, oǵan 100 myń adam tartylady. Jyl sońyna deıin 600 km jol paı­dalanýǵa beriledi. Bıyl Beıneý – Aqtaý, Almaty – Taldyqorǵan, sondaı-aq, Astana – Pavlodar avtojoldarynyń jeke­­legen ýchaskeleri iske qosyl­sa, Oral – Kamenka, Aqtóbe – Aty­raý, Qordaı asýyn aınalyp óte­tin joldar tolyq aıaqtalady. Respýblıkalyq bıýdjet qar­jy­syna uzaqtyǵy 1 myń shaqy­rymnan asatyn jańa 8 jobany bas­taý kózdelip otyr. Bular – Beı­neý – Aqjigit, Qostanaı – De­nısov, Shýche – Zerendi, Osı­nov asýy, Taskesken – Baqty, Úsh­aral – Dostyq, Astanany aı­na­­lyp ótetin Ońtústik – Ba­tys, Qal­ba­taý – Maıqapshaǵaı joba­la­ry. 2020 jylǵa deıin 6 myń sha­­qy­­rym jolda aqyly júıe en­gi­zil­se, onyń ishinde 2017 jyly 700 shaqy­rym jol aqyly bola­dy. Jospar boıynsha aqyly jol­dardan 2020 jylǵa deıin jyl saıyn 30 mlrd teńge jınalyp otyratyn bolady. 2017 jyly respýblıkalyq bıýdjet esebinen Astana – Temir­taý, Almaty – Qapshaǵaı jáne Dú­­­nıe­­­júzilik bank zaımdary ese­­bi­­nen Almaty – Qorǵas jol ýchas­­­ke­lerinde aqy qabyldaıtyn jú­­ıe­ler ornatý kózdelip otyr. Jú­ıe­­ler bıylǵy qarasha aıy­nan bas­tap synaqtan ótkizile bastaıdy. Avtojoldar boıyndaǵy júr­gin­shilerge qyzmet kórsetetin ın­fra­qurylymdar sapasyna erek­she kóńil bólinetin bolady. Qazir­gi ýaqytta respýblıkalyq mańyz­daǵy joldardyń boıynda ártúrli qyzmet kórsetetin 2 myńnan as­tam nysan bar. Olar kóbine iri eldi me­ken­derdiń mańyna jaqyn orna­las­qan. R.Sklıardyń aıtýy bo­ıynsha, mundaı nysandardyń ázir­ge tek besten bir bóligi ǵana 2015 jyly qabyldanǵan ulttyq standarttarǵa sáıkes keledi. Vıse-mınıstr sóz arasynda jergilikti avtojol jelileriniń 34 paıyzy qanaǵattanǵysyz jaǵdaıda ekendigine toqtalyp ótti. Al mundaı joldar qatary Batys Qazaqstan oblysynda 72 paıyzdy, Aqtóbe oblysynda – 52, Atyraý oblysynda – 51, Soltústik Qazaqstan oblysynda 45 paıyzdy quraıdy eken. Jer­gi­likti joldar boıynsha jyly­na ortasha alǵanda shama­men 2 myń shaqyrym jol jónde­ledi. Bul respýblıkalyq jeli­men salystyrǵanda 3 ese tómen. Osyǵan baılanysty vıse-mı­nıstr ákimderge óz aımaq­taryn­daǵy oblystyq jáne aýdandyq mańyzdaǵy joldardyń jaǵdaıyn jaqsartý jónindegi jumystardy kúsheıtý qajettigin aıtty. «Barlyq resýrstardy tur­ǵyn úı qurylysy salasyna shoǵyr­landyrý úshin biryńǵaı «Nur­ly jer» baǵdarlamasy qabyl­danǵany belgili. Onyń aıasynda osy ýaqytqa deıin 1,5 mln bas­pana salynyp, iske qosyldy. 2017 jyly mundaı taǵy 100 myń bas­pana salý josparlanyp otyr», dedi sóziniń sońynda R.Sklıar. Mınıstrliktiń Investısııa­lar jónindegi komıtetiniń tór­aǵasy Saparbek Tuıaqbaev ın­ves­tısııa tartý salasynyń qazir­gi jaı-kúıi men keleshektegi qu­ry­lymy máselelerine toqtal­dy jáne ınvestorlardy tartý jónindegi jańa tásilderdi engizý boıynsha qabyldanǵan sharalar týraly aıtyp berdi. Onyń aıtýynsha, 2016 jyldyń 9 aıynda tikeleı ınvestısııalar kólemi osynyń aldyndaǵy sáıkes kezeńmen salystyrǵanda 4,5 ese ósip, 12,3 mlrd dollardy qurady. Bıylǵy jylǵy maýsym aıy­nyń aıaǵyna deıin Dúnıe­júzi­lik bankpen birlese otyryp, eli­mizdiń Investısııalardy tartý jó­nindegi ulttyq strategııasy ázir­len­bek. Onda memlekettik organ­dar, ulttyq kompanııalar, dıp­lo­matııalyq ókildikter úshin ın­vestısııa tartýdyń ındıka­torlary engiziletin bolady. S.Tuıaqbaev aqpan aıynyń sońyna deıin ınvestısııa jónin­degi «Kazakh Invest» ulttyq kom­panııasynyń qurylatynyn habar­lady. Bul jańa kompanııa el Úkimeti atynan iri ınvestorlar jáne halyqaralyq transulttyq korporasııalarmen «biryńǵaı kelissóz júrgizýshi» retinde is-qımyl jasaıtyn bolady. Ol óz qyzmetine sáıkes sheteldik ókil­dikter men fılıaldardyń aýqymdy jelisimen qamtylady. Kompanııa ınvestorlarǵa qajetti qyzmetterdi atqarýmen shuǵyl­danady. Qajetti aqparattar­men tanysýdyń áýre-sarsańyn jeńildetetin bolady. «Bir tere­ze» qaǵıdaty boıynsha ın­ves­tısııalyq jobalardyń júze­ge asýyna qoldaý kórsetip, týyn­daǵan máseleni jergilikti jerde sheshý, AEA men ınfra­qurylymdy damytýdy basqarý isimen shuǵyldanady. Investısııa komıteti tór­aǵasy­nyń aıtýynsha, bıyl sáýir­de EYDU-nyń Investısııa jó­nin­degi komıtetine kirý jumys­tary aıaqtalatyn bolady. S.Tuıaqbaev Prezıdenttiń tran­s­ult­tyq kompanııalardy tartý­ǵa qatysty aıtqan synynan qorytyndy shyǵarylatyndyǵyn, Mem­leket basshysynyń ınves­tor­larmen kelisimderin júze­ge asyrý jáne ony monı­torın­gi­­leý sharalary kúsheıtile­tin­digin, qazirgi kúni sheteldik ınves­tor­lardyń 200-den astam bas­tamasy boıynsha jumystar júr­giz­ilý­de ekenin aıtyp ótti. Bu­dan bólek, salalyq memle­ket­tik organ­darmen, oblys ákim­dik­terimen jáne ulttyq kompa­nııa­l­armen birge áleýetti ınves­tor­larǵa usy­ny­latyn jobalar ázirlenýde. «Búginde mınıstrlik ınves­tor­lardy qoldaý úshin «bir tere­ze» qaǵıdaty boıynsha jumys isteı­tin biryńǵaı elektrondy aqparat­tyq júıeni engizýde. Joba­lardy júzege asyrý úshin vıza alý, kelissózder júrgizý sııaqty jumystar da osy júıede kórsetiletin bolady», dedi ol. «Bul júıe qashannan bastap tolyq jumys isteıdi?» degen saýa­ly­myzǵa qazir jumys ortalyq or­gan­dar deńgeıinde qolǵa alyn­ǵan­dyǵyn, endi óńirlerde óris ala bastaıtyndyǵyn, sáýir aıynda aıaqtalyp, odan ári tolyq máninde qoldanysqa enetindigin aıtty. Suńǵat ÁLIPBAI, «Egemen Qazaqstan»