«Aq bulaqtyń» alǵashqy jobasy aýylda júzege asty

Mańǵystaý halqy úshin aýyz sý – mańyzdy másele. О́ńir turǵyndarynyń alyp sý aıdynynyń jaǵalaýynda otyryp aýyz sýdy armandaýy da – úırenshikti qubylys. Sebebi, óńirde sý kózderiniń tapshylyǵy men teńiz sýynyń tuzdylyǵy máseleni basqasha sheshýge májbúrleıdi. «Aq bulaq» memlekettik baǵdar­lamasynyń jemisi oblystyń eń shalǵaı, halqy kóp aýdany Beıneý aýdanynda júzege asyp, kentte sý tazartý kásiporyny iske qosyldy. Kásiporynnyń mindeti – Edil ózeninen kelgen sýdy tazartyp, halyqty aýyz sýmen qamtý. Mekemedegi syıymdylyǵy 45 myń tekshe metr bolatyn bes birdeı súzý qazandyqtary táýligine 12 myń tekshe metr sýdy óńdeıdi. Sý aldymen tushytylyp, odan soń birneshe ret súzgiden ótkizilip, ábden tazartylady. Ár táýlik saıyn tazartylǵan, ishýge jaramdy sý qubyr arqyly turǵyndarǵa taratylady. Zamana talaptaryna saı jańa tehnologııamen jabdyqtalǵan keshendegi qurylǵylardyń jartysynan kóbi, ıaǵnı 60 paıyzy otandyq ónim bolsa, tehnıkanyń 40 paıyzy sheteldik qondyrǵylar. Merdiger Asqar Kerelbaevtyń aıtýyn­sha, sý tazartý kásiporny Mańǵystaý ob­lysy aýdandarynyń ishinde birinshi ret Beıneý aýdanynda júzege asyrylǵan. 2014 jyly bastalǵan jumysty 2016 jyly aıaqtaǵan. Jańa qurylystyń qubyrlary úsh eldi mekenge tartylǵan, taǵy eki eldi mekenge jaqyn arada qubyr júrgiziledi. Qubyrmen jetkiziletin sý úıdi-úıge kezeń-kezeńimen jetkiziletin bolady, demek beıneýlikter úshin sý tasıtyn kólikterge tapsyrys berip, kezek kútetin kúnder artta qalatyn kez alys emes. Gúlaıym ShYNTEMIRQYZY, «Egemen Qazaqstan» Mańǵystaý oblysy Sýretti túsirgen Serik MAIEMEROV