Vedomstvoaralyq komıssııa otyrysy ótti

Ádilet mınıstrliginde Zań jobalaý qyzmeti máseleleri jónindegi vedomstvoaralyq komıssııanyń kezekti otyrysy ótti. Investısııalar jáne damý mınıstrliginiń, Eńbek jáne halyqty áleýmettik qorǵaý mınıstrliginiń úkimettik emes uıymdar jáne bıznes salasynyń ókilderi qatysqan jıyndy Ádilet mınıstriniń orynbasary Záýresh Baımoldına júrgizdi. Otyrys barysynda úsh zań j­o­ba­sy­nyń tujyrymdamasy qa­raldy. Zań jo­balarynda kólik, áleýmettik qam­syz­­­dandyrý, j­umyspen qamtý jáne kó­shi-qon máseleleri boıynsha tıisti zań­­namalyq aktilerge ózgerister men to­lyq­tyrýlar engizý qa­ras­­tyrylyp, tıis­ti mı­nıstrlikterdiń ókil­deri baıandama jasady. Eńbek jáne halyqty áleýmettik qorǵaý vıse-mınıstri Birjan Nurymbetovtiń aıtýynsha, búgingi tańda elimizdegi ózin ózi jumyspen qamtyǵan azamattardyń sany 2,2 mıllıonnan asady. Olardyń 350 myńnan astamy tirkelmegen qyzmetti atqaratyndar nemese tabystary eń tó­mengi kúnkóris deńgeıinen tómen azamat­tar. Sol sebepti, halyqaralyq eń­bek uıy­­mynyń qaǵıdattary boıyn­sha, olardy nátıjesiz jumyspen aı­na­ly­s­a­tyn­dar­­­dyń qataryna jatqyzýǵa týra keledi. Taǵy bir aıta keterligi, 2050 jylǵa qa­raı elimizdiń óńirlerindegi halyqtyń or­nalasý tyǵyzdyǵynyń arasyndaǵy alshaqtyq beleń alýy múmkin. Máselen, ońtústik óńirde bul kórsetkish soltústik óńirmen salystyrǵanda tórt ese artyq bolmaq. – Osyǵan oraı, nátıjeli jumyspen qamtýdy jáne jappaı kásipkerlikti damytý baǵdarlamasynda azamattardyń jumys kúshi artyq óńirlerden jumys kúshi tapshy óńirlerge erikti túrde qonys aýdarýyna jaǵdaı jasaý kózdelgen. Sol arqyly eńbek resýrstarynyń ut­qyr­lyǵyn arttyrýǵa bolady, – dedi Birjan Nurymbetov. Eńbek jáne halyqty áleýmettik qor­­ǵ­aý mınıstrliginiń derekterine súı­ensek, sońǵy alty jyl ishinde eli­miz­­degi jumyspen qamtýdyń 28 paı­yz­ǵa ósýi bilim berý, densaýlyq saq­taý já­ne memlekettik basqarý sala­la­ry­nyń ese­binen qamtamasyz eti­lipti. Mem­le­ket­­- ­­tik kásiporyndarda ashyl­ǵan jumys oryn­darynyń úlesi bolsa 50 paıyzdan asady. Zań jobalary boıynsha baıandama jasaýshylar qujattardy qabyldaýdyń maq­saty, onyń halyqty jumyspen qamtý, kóshi-qon salasyndaǵy máselelerdi ret­teýdegi mańyzy týraly dáıekterin or­taǵa saldy. Úkimettik emes sektor men bıznes ókilderi zań jobalaryna usynystaryn jetkizdi. Arnur ASQAR, «Egemen Qazaqstan»