2016 jyly Qazaqstannyń EAEO elderimen saýdasy tómendedi

2016 jyly Qazaqstannyń EAEO elderimen saýdasy 16,8 % tómendedi, dep habarlady QR Ulttyq ekonomıka mınıstrliginiń baspasóz qyzmetinen. 2016 jyldyń qańtar-jeltoqsan aılarynda Qazaqstan Respýblıkasy men EAEO elderi arasyndaǵy saýda-sattyq 13 583,5 mln. AQSh dollaryn qurady, bul 2015 jyldyń qańtar-jeltoqsanymen salystyrǵanda 16,8% az.Onyń ishinde eksport - 3 917,6 mln. AQSh dollaryn (23,5% azaıǵan), ımport 9 665,9 mln. AQSh dollaryn (13,7% az) qurady. Qazaqstan Respýblıkasy eksportynyń qurylymynda mıneraldy ónimder (EAEO elderine jalpy eksport kóleminiń 33,4%), metaldar men metall ónimderi (25,7%), hımııalyq ónerkásip ónimderi (19%), janýarlar jáne ósimdikterden alynǵan ónimder, daıyn azyq-túlik taýarlary (10,8%) basym. Al Qazaqstanǵa EAEO elderinen kóbine mashınalar men qurylǵylar (EAEO elderinen keletin jalpy ımporttyń 25,8%), mıneraldy ónimder (16,8%), hımııalyq ónerkásip ónimderi (16,5%), janýarlar jáne ósimdikterden alynǵan ónimder, daıyn azyq-túlik taýarlary (13,9%), metaldar men metall ónimderi (12,5%) jetkiziledi.