Fırýza Sháripova Astanadaǵy boks keshinde judyryqtasýy múmkin

EXPO-2017 aıasynda ótetin boks keshinde qazaqstandyq bylǵary qolǵap sheberi Fırýza Sháripova judyryqtasý múmkin. Bul týraly onyń menedjeri Sergeı Zavıleıskıı málimdedi, dep habarlady allfight.ru. «EXPO-ny uıymdastyrýshylardyń tarapynan boks keshine qatysý jaıynda usynystar bolmady. Bul jaıynda Serik Sápıevpen aqyldasqan bolatynbyz. Oıymyz bir jerden shyqty. Fırýzanyń Astanada jekpe-jekke shyqqany jaqsy bolar edi. Biz óz tarapymyzdan boks keshine qatysýǵa daıyn ekenimizdi aıttyq. Maǵan da, Fırýzanyń ózine de EXPO aıasynda jekpe-jek ótkizgen qyzyq bolǵaly tur», – dedi Zavıleıskıı. «Eger jekpe-jek óter bolsa, Fırýza álem chempıony ataǵy úshin judyryqtasýy múmkin. 1 sáýir kúni segiz raýndqa jalǵasatyn aralyq jekpe-jek ótkizedi. Múmkin bir ataq úshin qolǵap túıistiredi. Osyǵan baılanysty, keshe ǵana WBC ókilderimen sóılestim. Fırzýa 1 sáýir kúni qandaı ataq úshin judyryqtasatynyn aıtatyn bolady, - dedi boksshynyń menedjeri. Aıta keteıik, keshe Mádenıet jáne sport mınıstri Arystanbek Muhamedıuly EXPO-2017 kórmesine arnalǵan boks keshi ótetinin rastaǵan bolatyn. «Árıne, sport sharalary – EXPO aıasyndaǵy jetekshi orynda. Bes álem chempıonatyn, eki Azııa chempıonatyn, Prezıdent kýbogs – tennısten halyqaralyq týrnırin, "Jibek joly - 2017" halyqaralyq rallıin ótkizemiz, ol Máskeýde bastalyp, keıin Astan, Beıjińge barady. Dúnıejúzilik boks keńesiniń halyqaralyq mereıtoılyq 55-konvensııasy men boks keshin ótkizemiz», – dedi Muhamedıuly.