Tup-týra bir ǵasyrdan keıin Mars ǵalamsharynda myna sýrettegideı kishkene qalashyq boı kóteretin bolmaq. Bul týraly Dýbaı qalasynda ótken Búkilálemdik úkimettik sammıt aıasynda Birikken Arab Ámirliginiń bıligi jarııa etti. Tipti, qatysýshylarǵa bolashaq qalasynyń jospary men maketi de kórsetildi, dep jazady muslim.kz.
Jobanyń tanystyrylymynda BAÁ-niń premer-mınıstri jáne Dýbaı ámirshisi Mýhammad bın Rashıd ál-Maqtýmnyń ózi qatysyp, joba mańyzdylyǵyna toqtaldy.
«Mars 2117» dep atalatyn qalashyq qurylysyna eki halyqaralyq uıym atsalysatyn bolady. Buǵan qosa, álemdik ǵylymı-zertteý ınstıtýttary da jumyldyrylmaq. Bir ǵasyrǵa eseptelgen joba aıasynda qyzyl ǵalamsharǵa azyq-túlik jetkizý jáne adam tasymalyn qamtamasyz etetin mamandar daıarlaý isi qarastyrylǵan.
