Dúnıejúzilik boks serııasy: Jarmanov Melıkýzıevke ese jiberdi

Taldyqorǵan qalasynda ótip jatqan Dúnıejúzilik boks serııasynda (WSB) qazaqstandyq «Astana Arlans» pen ózbekstandyq «Ozbek tigers» komandalary qolǵap túıistirdi. Tórtinshi bolyp sharshy alańǵa 81 kıloda otandasymyz Nurdáýlet Jarmanov pen Bektemir Melıkýzıev shyqty. Alǵashqy raýndta otandasymyz azdap qobaljyǵan bolýy kerek. Aıaǵy taıyp, qulaǵan sátteri de boldy. Alaıda, artynan bárin óz qolyna alyp, ózbek boksshysyn birneshe ret dál soqqylarymen tómpeshtep aldy. Biraq basym bola almady. Kezdesýdiń ekinshi úsh mınýtynda Melıkýzıev shabýyldaýmen boldy. Otandasymyzdyń olqylyqtaryn tıimdi paıdalana bildi. Úshinshi raýndta da Nurdáýlet Jarmanov oıǵa alǵan josparyn júzege asyra almady. О́zbekstandyqtyń tegeýrindi shabýyldaryna qarsylyq tanyta almady. О́kinishke oraı, tórtinshi kezeńde de Bektemir aıqyn basymdyqqa ıe boldy. Otandasymyz súreńsiz oıyn kórsetip, tek qorǵanýmen boldy. Besinshi raýndta Nurdáýlet shıraǵyraq qımyldap, ózbek boksshynyń qabaǵyn jaryp ta jiberdi. Alaıda, sońǵy úsh mınýtta adýyndy qımyldaǵanmen, bári tym kesh edi. Nokaýtpen ǵana jeńýi qajet bolatyn, biraq bul oıy júzege aspady. Osylaısha, boksshylarymyzdyń arasyndaǵy alǵashqy jeńilis tirkeldi.