Dúnıejúzilik boks serııasy: Qamshybek Qońqabaev ta qarsylasyn jeńdi

Taldyqorǵan qalasynda ótip jatqan Dúnıejúzilik boks serııasynda (WSB) qazaqstandyq «Astana Arlans» pen ózbekstandyq «Ozbek tigers» komandalary qolǵap túıistirdi. Sońǵy bolyp sharshy alańǵa +91 kılo salmaqta qazaqstandyq Qamshybek Qońqabaev pen Bahodır Jalolov shyqty. Alǵashqy raýndta jerlesimiz aıqyn basymdyqqa ıe boldy. О́zbek boksshysyn qysymǵa alyp, birneshe joıqyn soqqysyn daryta bildi. Ekinshi kezeńde de Qońqabaev shabýyldaýmen boldy. Qarsylasynan boıy qysqa bolǵanmen, qýalap júrip uryp, soqqylaryn daryta bildi. Qamshybek qansha jerden batyldyq tanytqanmen, úsh tóreshiniń ekeýi ǵana jeńisti berdi. Úshinshi raýndta da jerlesimiz baryn saldy. О́zbek boksshysyn buryshqa taqap alyp, birneshe soqqysyn dál tıgizdi. Al Jalolov boıynyń uzyndyǵyn, denesiniń iriligin bul joly da jóndi paıdalana almady. Kelesi úsh mınýt ta dál osy baǵytta órbidi. Qamshybek qarsylasyn qorǵanystan bas kótertpesten tómpeshteýmen boldy. Qarsy soqqylarynan der kezinde sytylyp shyǵyp, oıǵa alǵan josparyn tolyǵymen júzege asyra bildi. Sońǵy raýndta da otandasymyz oraıy kelgen múmkindikterin jibere qoımady. Jalolov ara-tura qımyldaǵanmen, eshnárse shyqpady. Bul joly da Qońaqabaevtyń mereıi ústem boldy. Osylaısha, sońǵy bolyp rıngke shyqqan boksshymyz jeńiske jetti. Jalpy esep 4:1. «Astana Arlandary» «О́zbek Jolbarystarynan» basym tústi.