Qytaıdyń Hunan TV arnasyndaǵy «I am a Singer» baıqaýyna qatysyp jatqan Qazaqstandyq ánshi Dımash Qudaıbergen jergilikti Sychýan ólkesindegi pandalar baǵyna bardy. Bul týraly ol óziniń
Instagram jelisindegi paraqshasynda jazdy.
«Álemdik janýarlardy qorǵaý uıymynyń logotıpinen pandanyń sýretin kórgende, ne sebepti dál osy janýar qyzyl kitapqa engen myńdaǵan tirshilik ıesinen birinshi orynda, úlken nazarǵa ıe, dep oılaıtyn bolarsyzdar?! Bul janýardyń álem boıynsha 2000-ǵa jýyǵy ǵana qalypty. О́mir súrýleri erekshe! Minezderi adamǵa uqsas. Renjip qalady, erkeleıdi!... Men keshe olarmen kezdestim... Qytaıdyń Sychýan ólkesi jer júzindegi barlyq pandanyń Otany! Chandý qalasyna arnaıy ushyp baryp, osynaý súıkimdi janýarlarmen jaqynaraq tanystym. Álem boıynsha tuńǵysh ret "I'm in China" jobasy aıasynda pandalarmen júzdesken resmı 1-shi Elshi atandym! Aqyl-sanasy jetik ár adam balasy Allanyń jaratqan ár tirshilik ıesine meıirimmen qaraýy tıis!», – dep jazdy jas ánshi óziniń Instagram-daǵy paraqshasynda.
Sonymen qatar ánshiniń PR-menedjeri ári dosy Alpamys Sharımovtyń aıtýynsha, Dımash Qytaıdyń Chandý qalasynda turǵyndarymen kezdesip, tildesti. Jergilikti turǵyndar Dımashqa degen óz iltıpattaryn bildirdi. Ol Sychýan provınsııasynyń Chandý qalasynda sol jergilikti turǵyndardyń ejelgi dástúrimen tanysyp, ataqty sháı demdeý rásimin úırengen. Sondaı-aq Dımash osy saıahat barysynda Sychýan operasyn tamashalady.
