Medısınalyq saqtandyrýdy túsindirýdiń jańa kezeńi

Astanada Densaýlyq saqtaý vıse-mınıstri Alekseı Soıdyń qatysýymen Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» atty halyqqa joldaýyndaǵy Mindetti áleýmettik medısınalyq saqtandyrý júıesin engizý máseleleri» taqyrybynda dóńgelek ústel ótti. Alekseı Soı óz sózinde «El­ba­sy bıylǵy Joldaýynda den­saý­lyq saqtaý júıesiniń aldyna min­­detti áleýmettik medısınalyq saq­tandyrýdy engizý, densaýlyq sala­syn aqparattandyrý, dárilik zattar­dyń baǵasyn retteý syndy bir­qatar mindetter qoıdy. Sondyqtan biz keń kólemdi aqpa­rattyq-túsindirý ju­mystaryn qolǵa alyp, daıyndyq ju­­mys­taryn júrgizýimiz qajet», dedi. Onyń aıtýynsha, MÁMS júıesin engizý kezinde densaýlyq saqtaý salasy básekelestik ortaǵa enedi, bul kórsetiletin medı­sınalyq kómektiń sapasyn arttyrýdy kózdeıdi. Den­saý­lyq saqtaý salasyndaǵy standarttardy engizý, medısınalyq qyzmet kórsetýdi uıymdastyrý algo­rıtmderi men klınıkalyq hattamalaryn engizý, medısınalyq qyzmet kórsetý maqsatynda densaýlyq saqtaý salasynyń sýbektileri arasynda baıqaý ótkizý, medısına­lyq qyzmetterdi akkredıtteý, keli­sim­sharttyq mindettemelerdi baqy­laý nátıjesi boıynsha sapasy men kólemine qaraı qyzmetter­ge aqy tóleý, densaýlyq saqtaý sala­syn­daǵy memlekettik baqylaý men qada­ǵalaý qorytyndylary – medı­sına­lyq qyzmetterdiń sapasyn qam­tamasyz etpek. Sharany qorytyndylaı kele, A.Soı «MÁMS-ti engizý qazaq­stan­dyqtardyń densaýlyǵyn jaqsar­týǵa, ómir súrý uzaqtyǵyn artty­rýǵa, sapaly medısınalyq kómek­ti qoljetimdi etýge, ony halyq­tyń suranysyna saı etýge, ambý­la­tor­lyq deńgeıde dárimen qamta­masyz etýdiń aıasyn keńeıtýge, den­saý­lyq saqtaý júıesindegi beıresmı tólemder kólemin azaıtýǵa múm­kindik beredi», dedi. Jıynǵa qatysýshylar Elbasy Joldaýynyń mán-mańyzyna toq­talyp, densaýlyq saqtaý sala­syn­­daǵy el erteńi úshin jasalyp jat­qan eleýli jumystardy tilge tıek etti. Sonymen qatar, kez kelgen reformanyń sátti ótýi úshin qo­ǵam­dyq qoldaýdyń aýadaı qajet ekenin alǵa tartty. Raýan QAIDAR, «Egemen Qazaqstan»