Biraýyzdan qoldaý tapty

Prezıdent Nursultan Nazarbaevtyń bılik tarmaqtary arasynda ókilettikti bólip berý týraly Úndeýi men «Qazaqstannyń Úshinshi jańǵyrýy: jahandyq básekege qabilettilik» Joldaýyn soltústikqazaqstandyqtar da elimizdiń basty saıası qujaty retinde qabyl alyp, serpindi istermen jaýap berýdi sert etip otyr. «Qazaqstan-2050» jalpy­ult­tyq qozǵalysynyń basta­ma­sy­men S.Muqanov atyndaǵy ob­lystyq kitaphanada jergilikti bılik ókilderiniń, depýtattar­dyń, úkimettik emes uıym­dardyń, stýdent-jastardyń basyn qosqan «Jalpyulttyq alań» suhbaty ótip, saıası jáne ekonomıkalyq reformalar jan-jaqty talqylandy. Ashyq pikir alysý úl­gi­sinde ótken sharada oblys­tyq más­lıhattyń hatshysy Vla­dımır Býbenko halyq qalaýlylary El­basy belgilegen tapsyrma­lardy oryndaýda joǵary ká­sibılik, jurtshylyq amanatyna adaldyq tanytatyndyǵyn jet­kizdi. Qazirgi tańda halyq qalaý­lylary bıylǵy jylǵy eń mańyz­dy qujattardan týyndaıtyn ta­laptardy keńinen túsin­dirýge belsene atsalysyp júr. Jer-jerlerde turǵyn­dar­men kezdesýler uıymdas­ty­rylyp, áleýmettik máselelerdiń birinshi kezekte sheshilýine basa nazar aýdarylǵan. Oblys ákimi apparatynyń bas­shysy Madııar Qojahmet eldegi demokratııalyq ózgeris­terge baılanysty bılikti or­ta­lyq­syzdandyrý jumysy ja­ńasha mazmunǵa ıe bolǵanyn atap ótti. Bılik tarmaqtary ara­­synda ókilettikti bólip be­rý jergi­likti atqarýshy or­gan­­dardyń jaýapkershiligin art­­tyryp, talap pen tártipti kúsheıtedi. Bul qaǵıdattardy oıdaǵydaı júzege asyrý bári­mizdiń basty boryshy­myz bolmaq. Sońǵy eki jylda orta­lyq memlekettik organ­dar­dyń 100-ge jýyq ókilettigi jergi­likti atqarýshy organdarǵa beril­gen. Alda memlekettik appa­rat­tyń tıimdi jumys isteýin qalyp­tastyrýdyń, halyq­pen ty­ǵyz baılanys ornatý­dyń tıimdi joldaryn tal­maı izdes­tirý qajet. Túrli deń­geıde­gi ákim­derdiń turǵyndar aldyn­da bergen esebi barynsha ashyq­tyq­ty, móldirlikti qam­ta­masyz etip, aıtylǵan syn-pikir­ler men aryz-shaǵymdar turaqty baqy­laýǵa alyndy. Birde-bir másele aıaqsyz qalmaıtyn bolady. Shara barysynda eńbek ar­dageri Ivan Chırkalın, kásipker Saıran Hamzın eldegi saıası jáne ekonomıkalyq jańǵyrýlarǵa baılanysty óz kózqarastaryn bildirip, Úndeý men Joldaý talaptaryn qoldaýǵa shaqyrdy. О́mir ESQALI, «Egemen Qazaqstan» Soltústik Qazaqstan oblysy