El mádenıeti keńinen kórsetiledi

Memleket basshysynyń tapsyrmasymen Mádenıet jáne sport mınıstrligi «Astana EKSPO-2017» Ulttyq kompanııasymen jáne Astana qalasynyń ákimdigimen birlese otyryp, bıylǵy jazda halyqaralyq mamandandyrylǵan kórme sheńberinde ótkiziletin mádenı oıyn-saýyq is-sharalarynyń keshendi baǵdarlamasyn ázirledi. Baǵdarlamaǵa sáıkes, qazaqstandyq jáne shet el shyǵarmashylyq toptary men oryndaýshylarynyń, sondaı-aq, elimizdiń jas daryndarynyń qatysýymen 3,5 myń mádenı jáne sporttyq is-sharalar ótkizý josparlanǵan. Bul týraly jaqynda Ortalyq kommýnıkasııalar qyzmetinde baǵdarlamanyń tanystyrylymynda Mádenıet jáne sport mınıstrligi mádenıet jáne óner isteri departamentiniń dırektory Almaz Nurazhan málim etti. «Qazanat» ıppodromynyń aımaǵynda 2500 sharshy metr aýdanda ornalasatyn «Etnoaýyl» etnomádenı kesheni qazaq hal­qy­nyń ulttyq dástúrleriniń orta­lyǵyna aınalady. «Etnoaýyl» kelýshilerdi qazaq halqynyń baı tarıhy, mádenıeti, óneri jáne dástúrlerimen tanystyryp, kel­gen qonaqtyń árqaısysyna kósh­pendiler órkenıetiniń etno­mádenı ortasyn, ótken ǵasyrlar tynysyn óz betinshe sezinýge múmkindik beredi. «EKSPO mádenı baǵdar­la­masy sheńberinde La Skala (Italııa) teatrynyń gastrolderi, áıgili Plasıdo Domıngo negizin qalaǵan ári kórkemdik jetekshisi bolyp tabylatyn «Operalııa» ope­ra ánshileriniń halyqaralyq baı­qaýy, Imperator Sın Shı­hýan­­dıdiń Terrakot áskerı mý­zeıi­niń kórmesi, Ejelgi Egıpet ar­heo­logııalyq buıymdarynyń kór­­mesi, Ermıtaj qorlarynyń kór­­­mesi, «TURKVISION» zaman­aýı estrada óleńderiniń baı­qa­ýy jáne taǵy basqa is-shara­lar ótedi», – dep atap ótti A.Nuraz­han. Onyń aıtýynsha, EKSPO-­2017 halyqaralyq ma­­man­­­­­dan­dyrylǵan kórmesi sheń­­ber­in­de ótetin mádenı oıyn-saýyq is-sha­ra­larymen buqa­ra­lyq qaý­ym­dy keńinen tanystyrý maq­sat­ynda arnaıy saıt jumys isteıdi. «Halyqaralyq kórmeni ótkizý barysynda «Astana Opera» Mem­lekettik opera jáne balet teatrynyń shyǵarmashylyq ujymy qala turǵyndary men qo­naqtaryna 70-ten astam má­denı is-shara usynady. Olar teatr­dyń Úl­ken jáne Kameralyq zalynda ótip qana qoımaı, ashyq aspan as­tyndaǵy alańdarda da uıym­dastyrylady, – dep atap ótti «As­tana Opera» Memlekettik ope­ra jáne balet teatry dırek­tory­­­nyń birinshi orynbasary Tó­leý­bek Álpıev. Sharalar legi 10 jáne 11 maýsym kúnderi A.Ju­ba­­nov pen L.Hamıdıdiń «Abaı» qazaq ulttyq operasymen ashylady. Teatr ashyq aspan astynda Dj.Verdıdiń «Aıda» operasyn jáne L. Mınkýstyń «Don Kıhot» balet spektaklin qoıýdy josparlap jatyr. Mádenı baǵdarlama aıasynda teatr sahnasynda álem­degi vokalısterdiń arasynda eń bedeldi bolyp tabylatyn «Operalııa» baıqaýy, Abaı atyn­daǵy Qazaq memlekettik aka­de­mııalyq opera jáne balet tea­trynyń gastrolderi, G.Maler­diń №8 sımfonııasy, La Skala jáne Marııa teatrynyń gast­rolderi ótetin bolady. «Bul halyqaralyq kórme barysynda teatrymyzda ótetin is-sharalardyń bir bóligi ǵana. Men aıtqan iri halyqaralyq jobalardan basqa «Astana Opera» teatrynyń sahnasynda ujymnyń repertýarynan operalar men baletterdiń qoıylymdary úz­diksiz ótip otyrady. Atap aıt­qan­da, teatr repertýarynda 20 spek­takl, onyń ishinde 11 jar­qyn balet pen 9 opera bar», – dedi teatr dırektorynyń orynbasary. Aıdar О́RISBAEV, «Egemen Qazaqstan»