[caption id="attachment_103060" align="aligncenter" width="800"]
n[/caption]
Olar ózderin múgedekpin dep sanamaıdy. El qatarly eńbek etip, qoǵamǵa óz úlesimizdi qossaq deıdi. «Kóz qorqaq, qol batyr» degendeı, shamasy jetken sharýaǵa kirisip, bilmegenin úırenýge tyrysyp júrgen jandar.
Jaqynda osyndaı múmkindigi shekteýli jandardyń bos ýaqytyn tıimdi ótkizip, ebi keletin eńbekpen aınalysýyna jaǵdaı týdyryp otyrǵan «Dos» táýelsiz ómir ortalyǵynyń jumysymen tanysyp, dırektory Dına ISLAMQYZYMEN áńgimelesken edik.
– Bul ortalyq qaı jyly, qandaı maqsatpen quryldy?
– Kez kelgen adamnyń ómirden alatyn enshisi bar. Ol múgedek bolsa da, on eki múshesi saý bolsa da mańdaıyna jazǵanyn kóredi, buıyrǵan nesibesin alady. Ortalyq 2006 jyly qurylyp, sodan beri úzilissiz jumys istep keledi. Osy ýaqytqa deıin ártúrli qaıyrymdylyq sharalaryn ótkizdik. Úıde otyrmaı, úırenem dep kelgen jandarǵa qolymyzdan keletin kómekti kórsetip kelemiz. Bizdiń maqsatymyz – arbaǵa tanylǵan adamdardyń armanyn oryndaý, jigerin janý, qoǵamda ózindik orny bar ekenin kórsetý. 2005 jyly respýblıkalyq forým ótti. Sol kezde ózimniń áriptesterimmen aqyldasyp, osyndaı ortalyq qurý jóninde oı týdy. Sodan soń 10 adam birigip, bul jumysty bastap kettik. Bizdiń oıymyzdy quptaǵan ákimdik osyndaı ǵımarat berip, jaǵdaı jasady.
– Negizinen qaı baǵytta jumys júrgizesizder? Kelýshiler sizderden ne úırenedi? Olarǵa qaı jaǵynan kómek beresizder?
– Men 20 jyldan beri arbada otyrǵandyqtan, múgedek jandardyń jaǵdaıyn jaqsy túsinemin. Sebebi, olar arbaǵa tanylǵan alǵashqy kúnnen bastap endi ne isteımin, ári qaraı ómirim qalaı bolady degen suraqtyń shyrmaýynda kún keshedi. Mine, osy kezde olardyń jan syryn jaqsy túsinetin adamdar qasynan tabylý kerek. Biz kelýshilerge quqyqtyq, psıhologııalyq kómek kórsetemiz. Sonymen qatar, qolóner buıymdaryn jasaýdy úıretemiz. Bizge kelgen adamdar eńbek etýdi úırenip qana qoımaıdy, ómir súrýdi de úırenedi. Bir-birimen tanysyp, syrlasyp, ózderine jaqsy dos tabady. Qazirgi ýaqytta Altynaı esimdi jeke kásipker qyz-kelinshekterge manıkıýr, pedıkıýr ispetti sán salonynyń túrli qyzmetterin úıretip jatyr. Ol bolashaqta óziniń jeke sán salonyn ashyp, oǵan osy jerden úırengen adamdardy jumysqa alýdy kózdep otyr. Biz úırenýshilerden aqsha almaımyz. Olardyń ómir súrýge degen talpynysyn arttyryp, qoǵamnyń bir múshesi ekenin sezindire alsaq, eńbegimizdiń janǵany.
Meniń oıymsha, múgedek jandarǵa sharasyz dep qaramaý kerek. Sebebi, byltyr Rıoda ótken paralımpıada oıyndarynda qazaqstandyq Raýshan Qoıshybaeva paýerlıftıngten áıelder arasynda 67 kılo salmaq dárejesinde kúmis medal ıelendi. Al 100 metrge erkin ádispen júzýde Zúlfııa Ǵabıdýllına altyn aldy. Osyǵan qarap, olardyń múmkindigi shekteýli dep qalaı aıtasyz?!
Bizdiń ortalyqta Ardaq Otarbaev atty talantty jigit bar. Ol tennısten 2009-2012 jyldar aralyǵynda ótken respýblıkalyq chempıonattardyń birneshe dúrkin júldegeri, arbamen bıleýden 2013 jyly Máskeýde ótken «Kontınentter kýbogynyń» kúmis jáne qola medaliniń ıegeri. Birneshe halyqaralyq jarystyń jeńimpazy. 2013 jyly Tokıoda uıymdastyrylǵan álem chempıonatynyń qola medalin jeńip aldy. Arbamen bıleýden 2014 jyly Azııa reıtıngi boıynsha birinshi oryn alyp, Ońtústik Koreıada ótken II Para Azııa oıyndarynan 2 kúmis, 1 qola medalmen oraldy. Halyqaralyq dárejedegi sport sheberi. «Janshýaq-2015», «Qaısar tulǵa-2014» syılyqtarynyń ıegeri. Osydan on jyl buryn jol apatyna túsip, múgedekter qataryna qosylsa da armany asqaq, maqsaty myǵym. Bireýge degen ishtarlyǵy emes, ómirge degen qushtarlyǵy bıik. Ortalyqqa kelgen adamdar osy Ardaqqa qarap qýat alady desem de bolady.
– Bolashaqqa qandaı josparlaryńyz bar?
– Bizde qazir «Invosto» atty joba bar. Osy rette bul joba ne úshin kerek, atqaratyn qyzmeti qandaı degen suraqtyń týyndaýy zańdy. Negizinen, múgedekterge arnalǵan arba memleket tarapynan 4 jylǵa beriledi. Biraq onyń keıbiri 1-2 jylda synyp qalyp, jaramsyz bolyp jatady. Memleket tarapynan qoıylǵan mejege jetkizý úshin ony ári qaraı jóndep, synǵan jerin durystaý osy «Invosto» jobasynyń aıasynda júzege asady.
Sonymen birge, aldaǵy ýaqytta múgedekterge arnalǵan áleýmettik taksı jobasyn iske asyrsaq degen josparymyz bar.
– Áńgimeńizge rahmet.
Áńgimelesken
Raýan QAIDAR,
«Egemen Qazaqstan»
n[/caption]
Olar ózderin múgedekpin dep sanamaıdy. El qatarly eńbek etip, qoǵamǵa óz úlesimizdi qossaq deıdi. «Kóz qorqaq, qol batyr» degendeı, shamasy jetken sharýaǵa kirisip, bilmegenin úırenýge tyrysyp júrgen jandar.
Jaqynda osyndaı múmkindigi shekteýli jandardyń bos ýaqytyn tıimdi ótkizip, ebi keletin eńbekpen aınalysýyna jaǵdaı týdyryp otyrǵan «Dos» táýelsiz ómir ortalyǵynyń jumysymen tanysyp, dırektory Dına ISLAMQYZYMEN áńgimelesken edik.
– Bul ortalyq qaı jyly, qandaı maqsatpen quryldy?
– Kez kelgen adamnyń ómirden alatyn enshisi bar. Ol múgedek bolsa da, on eki múshesi saý bolsa da mańdaıyna jazǵanyn kóredi, buıyrǵan nesibesin alady. Ortalyq 2006 jyly qurylyp, sodan beri úzilissiz jumys istep keledi. Osy ýaqytqa deıin ártúrli qaıyrymdylyq sharalaryn ótkizdik. Úıde otyrmaı, úırenem dep kelgen jandarǵa qolymyzdan keletin kómekti kórsetip kelemiz. Bizdiń maqsatymyz – arbaǵa tanylǵan adamdardyń armanyn oryndaý, jigerin janý, qoǵamda ózindik orny bar ekenin kórsetý. 2005 jyly respýblıkalyq forým ótti. Sol kezde ózimniń áriptesterimmen aqyldasyp, osyndaı ortalyq qurý jóninde oı týdy. Sodan soń 10 adam birigip, bul jumysty bastap kettik. Bizdiń oıymyzdy quptaǵan ákimdik osyndaı ǵımarat berip, jaǵdaı jasady.
– Negizinen qaı baǵytta jumys júrgizesizder? Kelýshiler sizderden ne úırenedi? Olarǵa qaı jaǵynan kómek beresizder?
– Men 20 jyldan beri arbada otyrǵandyqtan, múgedek jandardyń jaǵdaıyn jaqsy túsinemin. Sebebi, olar arbaǵa tanylǵan alǵashqy kúnnen bastap endi ne isteımin, ári qaraı ómirim qalaı bolady degen suraqtyń shyrmaýynda kún keshedi. Mine, osy kezde olardyń jan syryn jaqsy túsinetin adamdar qasynan tabylý kerek. Biz kelýshilerge quqyqtyq, psıhologııalyq kómek kórsetemiz. Sonymen qatar, qolóner buıymdaryn jasaýdy úıretemiz. Bizge kelgen adamdar eńbek etýdi úırenip qana qoımaıdy, ómir súrýdi de úırenedi. Bir-birimen tanysyp, syrlasyp, ózderine jaqsy dos tabady. Qazirgi ýaqytta Altynaı esimdi jeke kásipker qyz-kelinshekterge manıkıýr, pedıkıýr ispetti sán salonynyń túrli qyzmetterin úıretip jatyr. Ol bolashaqta óziniń jeke sán salonyn ashyp, oǵan osy jerden úırengen adamdardy jumysqa alýdy kózdep otyr. Biz úırenýshilerden aqsha almaımyz. Olardyń ómir súrýge degen talpynysyn arttyryp, qoǵamnyń bir múshesi ekenin sezindire alsaq, eńbegimizdiń janǵany.
Meniń oıymsha, múgedek jandarǵa sharasyz dep qaramaý kerek. Sebebi, byltyr Rıoda ótken paralımpıada oıyndarynda qazaqstandyq Raýshan Qoıshybaeva paýerlıftıngten áıelder arasynda 67 kılo salmaq dárejesinde kúmis medal ıelendi. Al 100 metrge erkin ádispen júzýde Zúlfııa Ǵabıdýllına altyn aldy. Osyǵan qarap, olardyń múmkindigi shekteýli dep qalaı aıtasyz?!
Bizdiń ortalyqta Ardaq Otarbaev atty talantty jigit bar. Ol tennısten 2009-2012 jyldar aralyǵynda ótken respýblıkalyq chempıonattardyń birneshe dúrkin júldegeri, arbamen bıleýden 2013 jyly Máskeýde ótken «Kontınentter kýbogynyń» kúmis jáne qola medaliniń ıegeri. Birneshe halyqaralyq jarystyń jeńimpazy. 2013 jyly Tokıoda uıymdastyrylǵan álem chempıonatynyń qola medalin jeńip aldy. Arbamen bıleýden 2014 jyly Azııa reıtıngi boıynsha birinshi oryn alyp, Ońtústik Koreıada ótken II Para Azııa oıyndarynan 2 kúmis, 1 qola medalmen oraldy. Halyqaralyq dárejedegi sport sheberi. «Janshýaq-2015», «Qaısar tulǵa-2014» syılyqtarynyń ıegeri. Osydan on jyl buryn jol apatyna túsip, múgedekter qataryna qosylsa da armany asqaq, maqsaty myǵym. Bireýge degen ishtarlyǵy emes, ómirge degen qushtarlyǵy bıik. Ortalyqqa kelgen adamdar osy Ardaqqa qarap qýat alady desem de bolady.
– Bolashaqqa qandaı josparlaryńyz bar?
– Bizde qazir «Invosto» atty joba bar. Osy rette bul joba ne úshin kerek, atqaratyn qyzmeti qandaı degen suraqtyń týyndaýy zańdy. Negizinen, múgedekterge arnalǵan arba memleket tarapynan 4 jylǵa beriledi. Biraq onyń keıbiri 1-2 jylda synyp qalyp, jaramsyz bolyp jatady. Memleket tarapynan qoıylǵan mejege jetkizý úshin ony ári qaraı jóndep, synǵan jerin durystaý osy «Invosto» jobasynyń aıasynda júzege asady.
Sonymen birge, aldaǵy ýaqytta múgedekterge arnalǵan áleýmettik taksı jobasyn iske asyrsaq degen josparymyz bar.
– Áńgimeńizge rahmet.
Áńgimelesken
Raýan QAIDAR,
«Egemen Qazaqstan»
