Bıyl UBT-ny úıde tapsyrý synaq rejiminde iske qosylady

Bıyl qazaqstandyq mektep túlekterine UBT-ny úıde onlaın túrde tapsyrý synaq rejiminde iske qosylady. Bul týraly búgin úkimet saǵatynda QR bilim jáne ǵylym mınıstri Erlan Saǵadıev málimdedi.

«Biz joǵary bilimge qoljetimdilikti ońaılatý qajet dep sanaımyz, bul bizdiń fılosofııamyz. Bıylǵy jyly UBT úıde ótýi múmkin. Biz POS-termınaldardy qostyq, qazir balanyń úıden tólem jasap, UBT onlaın ótýi úshin banktermen kelissózder júrgizip jatyrmyz. Kóptegen mektepter UBT synyp formatynda ótkizý úshin kitapshalar suraıtyndyqtan, 300 myń kitapsha basyp shyǵardyq. Eger kerek bolsa, taǵy 500 myń kitapsha basyp shyǵaramyz», – dep qosty E. Saǵadıev. Mınıstrdiń aıtýy boıynsha, UBT shekti deńgeıiniń tómendeýi nátıjesinde 2016 jyly qosymsha 17 myń bala oqýǵa tústi. «Biz UBT-ny halyqaralyq standarttar jaǵyna qaraı birtindep ózgertýimiz qajet. Oqýshylar UBT daıyndalmaı, oqýy kerek. Birtindep jańa standarttar engizilip jatyr. Ol emtıhan jáne oǵan daıyndalý múmkin emes. Tek 11 jyl boıy jaqsy oqý qajet», – dep habarlady E. Saǵadıev.