Álem boıynsha eń qarqyndy damyp kele jatqan qalalar

Eń qarqyndy damýshy qalalar tiziminiń kósh basynda Úndistannyń Bangalor qalasy. Al ekinshi orynda Vetnamdaǵy Hoshımın. Úzdik úshtikte bulardan keıin Sılıkon alaby, dep jazady JLL Cities Research Center ortalyǵy. Tizimdi qurý úshin sarapshylar halyq sanyn, JIО́ ósimin, áýe qatynasyn, jyljymaıtyn múlikke, ónerkásipke jáne ózge de salalarǵa salynǵan ınvestısııa kólemin eskerdi. Sarapshylardyń baǵalaýynsha, eń basty bes krıterıı: jyljymaıtyn múlikke ınvestısııa tartý, qala bıligi yqparynyń ósimi, tehnologııalyq dınamıka, ekologııalyq máselelerdiń sheshilýi men jahandaný qaterleri. Bangalorda álemdik deńgeıdegi IT mamandary men tehnologııalyq kompanııalary shoǵyrlanǵan. Sonymen qatar, munda startaptardyń kóptep shyǵarylyp jatqany anyq. Sol úshin de jyljymaıtyn múlik naryǵy qarqyn alýda. Hoshımınniń ekinshi oryn alýyna yqpal etken sıpaty medısınalyq qyzmettiń joǵary sapaly túrin usynatyn álemdik deńgeıdegi ambýlatorııalyq klınıkanyń bolýy. Sonymen qatar ınfraqurylymnyń kórkeıýimen bul jaqta ekonomıka da qarqyn alýda. Álem boıynsha jalǵyz ınnovasııalyq ekojúıe sanalatyn Sılıkon alaby joǵary tehnologııalar salasynda álemdik alpaýyttar úshin tartymdy bolyp tur. Sonymen, eń qarqyndy damýshy qalalardyń úzdik ondyǵy tómendegishe: 1. Bangalor 2. Hoshımın 3. Sılıkon alaby 4. Shanhaı 5. Haıdarabad 6. London 7. Ostın 8. Hanoı 9. Boston 10. Naırobı