Soyle.kz portalynyń mobıldik nusqasy tanystyryldy

Ortalyq kommýnıkasııalar qyzmetinde Memlekettik tildi damytý qory «Soyle.kz» portalynyń IOS platformasyndaǵy mobıldik qosymshasy men patrıottyq taqyryptarǵa arnalǵan basqa da qosymshalardyń tusaýkeserin ótkizdi. Oǵan Qazaqstan Respýblıkasynyń Tuńǵysh Prezıdenti – Elbasy qory atqarýshy dırektorynyń orynbasary Sultan Aıtjanov pen Memlekettik tildi damytý qorynyń dırektory Azat Shaýeev qatysty. Mobıldi qosymshalar qazaq tilin úırenýdi kópshilikke qoljetimdi etý, qazaq halqynyń rýhanı, ádebı jáne mádenı qundylyqtaryn keńinen nasıhattaý, jastar arasynda IT-bilimderin qalyptasyrý jáne óskeleń urpaqty ultjandylyqqa tárbıeleý  maqsatynda jasalǵan. "Jańa otandyq IT-ónimder Elbasynyń «Qazaqstan halqyna Joldaýyndaǵy memlekettik tildi ári qaraı damytý jáne jastardy patrıottyq sezimge tárbıeleýdegi qoıylǵan mindetterdi iske asyrý úshin jasalǵan. Osy Joldaýda Nursultan Nazarbaev Úkimet IT salasyn damytý, 3D-prıntıng, onlaın-saýda, mobıldi bankıng, sıfrlyq qyzmet kórsetý sekildi bilim berý isinde qoldanylatyn jáne basqa da perspektıvaly salalardy damytý kerek dep Úkimetke «Sıfrlyq Qazaqstan» baǵdarlamasyn ázirleýdi tapsyrdy. Ásirese, Joldaýdaǵy Tórtinshi basymdyq – adamı kapıtal sapasyn jaqsartý – dep atalatyn bóliginde bilim berý júıesiniń róli ózgerip, IT-bilimdi qalyptastyrýǵa,  ultjandylyqty damytýǵa basa kóńil bólý kerektigin aıtty", – dedi Azat Shaýeev. Al Sultan Aıtjanov jıynda byltyr Memleket basshynyń tilge qatysty jobalardy júzege asyrý úshin qorǵa bergen qarjysyna «Abaialemi.kz» onlaın-ensıklopedııasy men «Tattialma.kz» balalar ádebı saıtynyń mobıldi qosymshalary, «Meniń Qazaqstanym», «Qazaqstannyń uly tulǵalary», «Qazaqstannyń merekeleri» men «Kim bilgish?» atty tuńǵysh otandyq ıntelektýaldy oıynynyń qosymshalary ashylǵanyn aıtty. Sonymen birge ol qordyń 2008 jyldan beri ana tilimizdiń qoǵamdaǵy rólin arttyrý maqsatynda naqty is-sharalardy qolǵa alyp, júzdegen qoǵamdyq jobalardy iske asyrǵanyn, sonyń ishinde elimizde tuńǵysh ret qazaq tilin onlaın rejiminde tegin úıretetin «Soyle.kz» ınternet-portaly, balalardy mektepke daıarlaýǵa jáne jan-jaqty damytýǵa arnalǵan «bala.soyle.kz» onlaın saıty men sózderdi jattatýǵa arnalǵan taqyryptyq sózdik sozdik.soyle.kz saıtynyń ashylǵanyn tilge tıek etti. Budan keıin Sultan Aıtjanov Soyle.kz portalynyń jańartylǵan jáne jańa bólimdermen tolyqtyrylǵan nusqasymen tanystyrdy. Saıttyń dızaıny tehnologııalyq turǵydan búgingi zaman talaptaryna saı ózgertilgen. «Sozdik.soyle.kz», «Saıttar katalogy», «Maqal-mátelder», «Jumbaqtar men jańyltpashtar», «Búgingi kúnniń sózi», «Is-sharalar afıshasy» sekildi jańa bólimder jasalǵan. Mysaly, «Kitaphana» bóliminde «kitapty júkteý» fýnksııasy paıdalanýshylarǵa óz kitaptarymen bólisýge múmkindik beredi. Latyn qarpine kóshý fýnsııasy engizilgen. Aǵylshyn tildi paıdalanýshylar úshin portaldyń aǵylshynsha nusqasyn jasaý qolǵa alyndy. Onyń aıtýynsha, 2016 jyldyń qyrkúıeginen Soyle.kz ádistemesi boıynsha qazaq tilin Skype arqyly oqytý bastaldy. Búgingi tańda Skype arqyly Qazaqstan men shet elderden 200-den astam adam tegin qazaq tilin úırenip jatyr. Soyle.kz – 2013 jyldyń jeltoqsanynda ashylǵan qazaq tilin tegin úıretetin tuńǵysh onlaın portal. Ashylǵaly beri Qazaqstan men shet elderden 1,5 mln.-nan astam  adam portal qyzmetin paıdalansa, tirkelip oqyp jatqandardyń sany 50 myńnan asty. «Soyle.kz» portalynyń áleýmettik jelileri arqyly 20 myńnan astam adam  qazaq tilin úırenip jatyr. Android  jáne iOS platformalaryndaǵy «Soyle» qosymshasyn 30 myńnan astam adam júktep alsa, «bala.soyle.kz» balalar saıtyn kúndelikti 1,5 myńnan astam jas jetkinshekter paıdalanýda. "Al jańa aıtqan uly Abaıdyń 170 jyldyǵyna oraı ashylǵan «Abaialemi.kz» tuńǵysh ensıklopedııalyq onlaın portaly, «Tattialma.kz» tanymdyq balalar ádebıeti saıty, «Kim Bilgish» atty tuńǵysh ıntellektýaldy mobıldi oıyny, «Meniń Qazaqstanym», «Velıkıe lıýdı Kazahstana», «Prazdnıkı Kazahstana» sııaqty mobıldi qosymshalarynyń iske qosylýy Qordyń shynaıy qajettilikke sáıkes josparly da júıeli jumys isteıtinin kórsetip, jurtshylyq tarapynan jyly qabyldanyp otyr. Kelesi jyly «Soyle.kz» portaly boıynsha tildi tereńdep úıretýdi jalǵastyryp, kópshiliktiń suraýy boıynsha osy saıttyń aǵylshynsha nusqasyn jasaýdy josparlap otyrmyz. Is qaǵazdaryn qazaqsha jazyp, qazaqsha toltyrýǵa, saýatty ázirleýge yqpal etý, kómek kórsetý maqsatynda «Qujat tili» (Quzhat.kz) saıtyn ashýdy josparlap otyrmyz. Jumysty bastap ta kettik", – dedi ol. Osy jerde ol resmı is-qaǵazdardy júrgizýdi onlaın úıretetin tuńǵysh —  «Quzhat.kz» atty tegin ınternet portaly men qazaq halqynyń salt-dástúrin, mádenıeti men tarıhyn qamtıtyn «Jeti qazyna» atty mobıldi qosymshasyna keńirek toqtaldy. Qazir olardyń mobıldik qosymshalary  daıyndalyp jatqanyn, jobalar Qazaqstan Respýblıkasy Tuńǵysh Prezıdenti – Elbasy Qory men «Samruk-Kazyna Trust» áleýmettik jobalardy damytý qorynyń qarjysyna jasalynatynyn aıtty. Dastan KENJALIN, «Egemen Qazaqstan»