Bul – eseli eńbek etetin ýaqyt

Elbasy taǵy bir keleshekke senimmen qaryshty qadam bastyratyn jańa bastama usyndy. «Qazaqstannyń Úshinshi jańǵyrýy: jahandyq básekege qabilettilik» atty Joldaýdaǵy halyq ıgiligi úshin atqarylar aýqymdy sharalar, júzege asyrylar keshendi jobalar kóńildi qýantty. Buǵan deıingi jalpyulttyq máni bar strategııalyq baǵdarlamalardyń jalǵasy ispetti bul Joldaýda da kem-ketigimiz saraptalyp, kemshin tustarymyzdy tolyqtyrar is-sharalar aıqyndalǵan. Atalǵan Joldaý – orasan jańa múmkin­dikter, Elba­synyń óz sózimen aıtar bolsaq, «ómir sapasynyń qazaq­standyq úlgi-qalybyn qalyp­tastyrýǵa» apa­rar dań­ǵyl jol. Mańyzdy keshendi úsh mindet pen bes negizgi basymdyq atap kórsetilgen Joldaýdyń maqsaty – Qazaqstannyń kún sanap boı kóterip, jańashyldyqpen jarysyp kele jatqan elderdiń kórikti kóshinen qalmaı, álem kóginde Máńgilik El bolý. Búginde Qazaqstan buryn-sońdy bastan keshpegen mamyra­jaı tirliktiń, kóńilge shattyq uıala­tar shýaqty da jarqyn kún­der­diń kýásine aınaldy. Shar­tarapqa Qazaq elin tanytyp, shırek ǵasyr boıy álem jurtshy­ly­ǵyn kemeldigimen hám kemeń­gerligimen moıyndatqan Elbasy­nyń aldymyzǵa qoıyp otyrǵan basty mindeti – «jurtym» dep jumylyp, «elim» dep eseli eńbek etetin ýaqyttyń kelgendigi. Elbasy bıylǵy Joldaýynda basty basymdyqtardyń biri retinde sıfrly ındýstrııany damytýdy atady. Atalǵan salany órkendetý arqyly basqa da sala­larǵa tyń serpin berýge min­dettedi. Eńbek ónimdiligin art­­tyra otyryp, álemdik sur­anys­taǵy jańa naryqtarǵa shyǵý, eks­portty tolyqtyrý, ekono­mı­ka­lyq turaqtylyq pen jańa jumys kózderin ashý, qolda bar qara­jatty únemdep, halyq ıgili­gine jumsaý, qazynany meılin­she jaýap­kershilikpen ıgerý de ma­ńyzdy baǵyttar retinde aıtyldy. Eńbek naryǵyn jańǵyrtý arqyly memleket-jekemenshik basqarý qurylymyn qoldaý jolǵa qoıylsa, halyqtyń ál-aýqatyn arttyrý, áleýmettik sala­lar­dyń qarqyndy damýy syn­dy ózekti máselelerdiń sheshi­min taba­tyndyǵyn tilge tıek etti. Naq­t­­y­lanǵan baǵdarlamalar sheń­­berinde ár óńir­de kásibin násip­­ke aı­naldyrar «otba­sylyq kásip­­ker­likti» damytý úshin de qol­daý halyq áleýe­tin kótereri haq. Barlyq óńir­degi bos jumys oryn­dary kór­setilgen biryńǵaı on­laın plat­forma – júıeliligi aıqyn­dalǵan ashyq qoǵamnyń kórinisi. О́rkenıet kóshindegi elder úshin «eńbek» pen «bilim» uǵym­dary – bir-birinen ajyraǵysyz qun­dylyqtar. Ashyǵyn aıtý kerek, Joldaýda basymdyqqa ıe bol­­ǵan adamı kapıtaldyń sapalyq ósýi bo­ıynsha memleket tarapynan kór­setilip jatqan qoldaý ushan-teńiz. Oǵan barsha­myz da kúndelikti ómirde kýá bolyp júrmiz. Buǵan deıin de bilim berý salasyn basty orynǵa qoıyp, nazarynan tys qaldyrmaǵan Elbasy óziniń jańa Joldaýynda da elimizdegi bilim berý júıesin jańǵyrtýdyń qajettiligin jáne ony júzege asyrýdyń is-sharalaryn da atap kórsetip berdi. Álemdik tájirıbe ekono­mıka­lyq turǵydan jan-jaqty damý kórsetkishterine qol jet­kizýde tehnıkalyq jáne kásiptik bilim­niń óte qajettiligin dálel­dedi. О́ndiristiń ártúrli sala­lary da kásibı bilikti mamandar tap­shylyǵyn sezinýde. Sondyqtan, búgingi eńbek naryǵy men qoǵam­nyń qajettilikterin qanaǵat­tan­dyrýda tehnıkalyq jáne kásip­tik bilim berýdiń bedeli men mańyzyn joǵarylatatyn Elbasy bastamasy – «Barshaǵa arnalǵan tegin kásiptik-tehnıkalyq bilim berý júıesi» jobasy elimizdegi myńdaǵan azamat úshin ómirge joldama bolmaq. Memlekettik tilge basymdyq bere otyryp, jańa ekonomıka tili – aǵylshyn tilimen saýattaný qajettiligi Joldaýda ashyq ta anyq aıtyldy. Rasynda da, jahandyq kóshten qalmaýdyń bir sharty – «ózge tildiń bárin bilip, óz tilińdi qurmetteý» emes pe?! 2017 jyldan bastaý alatyn áleýmettik qamtamasyz etý sala­laryna berilip otyrǵan basym­dyq – zeınetkerler men az qam­tylǵan toptarǵa, jas ana­larǵa bólinetin qarajat-kómektiń basy bolmaq. Táýelsizdik tuǵyry – tynysh­tyq pen birtutastyq. Bul qa­sıetti uǵymdardyń salmaǵyn El­basy qazaqstandyqtarǵa ǵana emes, barsha álem jurtshyly­ǵy­na sezindirip, tyń bastamalary­­men nasıhattap-aq keledi. Bıyl­ǵy Joldaýda da el tutastyǵy­na aıryqsha mán berilgen. «Dinniń tutastyǵy – eldiń tutastyǵy» degen ustanymdaǵy Elbasy Jol­daýda eldiń erteńi men bola­sha­ǵy­na kesel keltiretin dinı ekst­remızmniń jolyn kesip, adas­qandardy saýattandyrý kezek kúttirmeıtin másele ekendigin atap ótken. Saıyp kelgende, bul – táýelsiz eldiń ár turǵynynyń jáne, tutastaı alǵanda, beıbit elimizdiń qaýipsizdigi. Negizgi qaǵıdasy nápaqany eńbek­ten ǵana izdeýge, basty oryn­ǵa ádildik pen adaldyq, sapa uǵym­daryn qoıýǵa shaqyratyn bul Jol­daýda qamtylmaı qalǵan sala joq. Asqan kóregendikpen, naq­ty dáldikpen atqarylar ju­mys­tyń tetikteri de usynylyp otyr. Elbasy alǵa qoıǵan bıik maq­sattardy birlese júzege asyrý – bizdiń enshimizdegi mereıli mindet ári azamattyq paryzymyz. Úshinshi jańǵyrý jolyna nyq senimmen qadam basqan elimizdiń Kók baıraǵy álemniń eń myqty memleketteri kóz tikken asqar bıikterde jelbireı beretindigine esh kúmán joq. Baqytgúl HAMENOVA, Parlament Májilisiniń depýtaty, «Nur Otan» partııasy fraksııasynyń múshesi