Ǵaryshkerlerge arnalǵan aptalyq

Aqtóbedegi Tahaýı Ahtanov atyndaǵy oblystyq drama teatrynda oblystyq planetarıı ujymy tuńǵysh ǵaryshker Iýrıı Gagarınniń ǵaryshqa ush­qanyna 50 jyl tolýyna oraı uıymdastyrǵan «Jul­dyz­dy 50 jyl» aptalyǵynyń saltanat­ty ashylýy ótti. Keshte kórermender naza­ryna tuńǵysh ǵaryshker Iýrıı Gagarın týraly beınematerıal usynyldy. Aptalyqtyń ashy­lý saltanatynda sóz alǵan ob­lystyq mádenıet basqarma­sy­nyń bastyǵy Názıra Tabyl­dınova sharanyń ótkizilýine sát­tilik tilese, ǵaryshker-synaqshy, avıasııa polkovnıgi, QR UǴA «QazǴarysh» ókili Aıdyn Aıym­betov elimizdegi ǵarysh salasy­nyń damýyn, osy baǵytta túrli jobalar qolǵa alynyp, jobalaý men synaq jumystary júrgizilip jatqanyn baıandady. Sondaı-aq jazýshy-fantast, TMD Astronomııa-geodezııa qoǵamynyń múshesi Júnis Sahıev juldyzdarǵa Te­mir­qazyq, Úrker, Súmbile dep at qoıǵan qazaqqa ǵarysh keńistiginiń tańsyq emestigin, topyraǵynan eki ǵaryshker túlep ushqan Aq­tóbeni ǵaryshkerler besigi deýge bolatynyn atap ótti. Keshke jınalǵandar osy jerde qalalyq tehnıkalyq shyǵar­ma­shylyq ortalyǵynyń úıir­me­sine qatysýshylardyń qolynan shyq­qan túrli jumystardy tama­sha­lady. Bıyl KSRO-nyń ush­qysh ǵaryshkeri, Keńes Odaǵy­nyń Ba­tyry V.Pasaevtyń ǵa­rysh­qa ush­qa­nyna 40 jyl, birinshi tuńǵysh qazaq ǵaryshkeri Toq­tar Áý­bákir­ovtiń ushqanyna 20 jyl, jerlesimiz, V.Pasaev atyn­daǵy jas ush­qyshtar mektebiniń túlegi Iýrıı Lonchakovtyń alǵash ǵaryshqa ush­qanyna 10 jyl, ulty­myzdyń maq­tanyshy, qazir Ulttyq aeroǵa­rysh agenttiginiń tóraǵasy, ushqysh-ǵaryshker, Ha­lyq qahar­many T.Mu­sabaevtyń úshinshi ret ush­qa­nyna 10 jyl to­lady. Ap­talyq aıasynda ót­kizi­letin sharalarda bular da áńgime ózegine aınalmaq. Satybaldy SÁÝIRBAI. Aqtóbe oblysy.