"Shubar" shaǵyn aýdanynynyń qaı jerleri súriletini belgili boldy

Astanadaǵy "Shubar" turǵyn úı alabyndaǵy jer úıler Astananyń bas josparyna saı kelmeıdi. Sol úshin birtindep súriledi. Bul týraly «Astana bas jospary» ǵylymı-zertteý jobalaý ınstıtýtynyń synaqtyq jobalaý sheberhanasy basshysy Vasılıı Sheın málimdedi, dep habarlaıdy tengrinews.kz. "Qazirgi tańda "Shubar" shaǵyn aýdany tolyǵymen salynǵan. Ondaǵy jer úıler jalpy qurylys aýmaǵynyń úshten birin alyp jatyr. Bul Astananyń bas josparyna saı kelmeıdi. Sondyqtan aldaǵy ýaqytta ınvestorlar tabylyp, arnaıy baǵdarlama qabyldanyp jatsa birtindep súrile bastaıdy. Bul bir jyldyń jumysy emes", - dedi Vasılıı Sheın. Onyń aıtýynsha, qazirgi tańda mektep qurylysy salynatyn jer tańdalyp jatyr. Qaı jerge salynatyny belgisiz bolǵandyqtan, shaǵyn aýdannyń qaı aımaǵy súriletini belgisiz. Sheınniń aıtýynsha, Astana sáýlet jáne qala qurylysy basqarmasy kólik turaǵy bar kópqabatty úıler men iskerlik ortalyqtardyń, balabaqsha men ózge de nysandardyń qurylysy qolǵa alynatyn jerlerdi anyqtady. "Jer úılerden bólek, shaǵyn aýdanda Reseı-Qazaqstan ýnıversıteti, qonaqúıler men dúkender de bar. Olar súrilmeıdi", - dedi Vasılıı Sheın. Aıta keteıik, keshe "Shubar" shaǵyn aýdanynyń súriletini týraly aqparat taraǵan edi.