Qytaıǵa taýar eksporttaý jeńildeı túsedi

«Atameken» Ulttyq kásipkerler palatasynda «JUMORE» kompanııasy elektrondy saýda alańyn tanystyrdy, dep jazady palata.kz. «Atameken» palatasynda «JUMORE» delegasııasy kompanııa basshysy Lıý Hongsıangpen birge keleshekte yntymaqtastyqty damytý týraly, sondaı-aq bolashaqta Qytaıǵa eksporttaý maqsatynda qazaqstandyq taýarlar týraly aqparatty «JUMORE» alańyna tegin ornalastyrý máselesin talqylaýǵa úshin bas qosty. 2016 jyldyń 3 qyrkúıeginde Shanhaı qalasynda Qazaqstan men Qytaı arasynda ekijaqty ınvestısııalaý men saýdany damytýǵa járdemdesý maqsatynda «Atameken» QR UKP men «JUMORE» elektrondy saýda alańy arasyndaǵy ózara qarym-qatynas týraly memorandýmǵa qol qoıǵan. «Kompanııanyń negizgi qyzmeti transshekaralyq elektrondy saýda úshin shıkizattan bastap, óńdelgen ónimge deıin aýqymdy taýar suryptalymyna «B2B» formatynda alań berý. Onyń kómegimen túrli elderden keletin satyp alýshylar men jetkizýshiler birin-biri taýyp, aýyl sharýashylyǵy, munaı ónimderin, mıneraldardy, rýdalardy jáne taǵy basqa taýarlardy kóterme baǵada satyp alýǵa múmkindik bar. Kompanııa platformasynda logıstıkalyq jáne qarjylyq qyzmet kórsetiledi. Bul eksporttyq kelisimderde tolyq qyzmet kórsetýdi qamtamasyz etedi», – dep atap ótti «Atameken» UKP Basqarma tóraǵasynyń orynbasary Nurjan Áltaev. JUMORE transshekaralyq elektrondy saýda alańynda Kanada, Reseı, AQSh, Meksıka sekildi elderdiń ulttyq pavılondary qoıylǵan. Nurjan Áltaevtyń aıtýynsha, jumys istep turǵan jáne áleýetti ekporttaýshy-kásiporyndar men olardyń ónimderi týraly aqparat tegin salynatyn Qazaqstannyń ulttyq pavılony JUMORE onlaın-alańyna shyǵaryldy. «Atameken» UKP men QR Aýyl sharýashylyǵy mınıstrligi 2016 jyldyń kúz mezgilinde otandyq ónim kólemin arttyrý jáne olardy álemdik baǵamen ótkizý maqsatynda «Qytaıǵa ekport!» qozǵalysyn iske qosqan. Al JUMORE ınternet-alańy da qazaqstandyq taýralardy Qytaıǵa ekporttaýdy damytýǵa arnalǵan úlken múmkindik dep oılaımyn, sebebi daıyn ónimge nemese shıkizatqa múddeli qytaılyq kásiporyndardyń kóterme tapsyrystaryn shoǵyrlandyrady. Kommersııalyq ınternet-alańdardy qoldaný otandyq óndirýshilerdiń halyqaralyq naryqqa shyǵýyna jáne ımporttaýshylarmen az ýaqytta, deldalsyz baılanys ornatýyna múmkindik beredi», – dep atap ótti Basqarma tóraǵasynyń orynbasary. «JUMORE» kompanııasy barlyq salalarda, ıaǵnı hımııa, tústi metall, paıdaly qazbalar, energetıka, bolat quıý, AО́K jáne t.b. «B2B» formatynda transshekaralyq elektrondy saýdamen aınalysady. Elektrondy saýla alńynyń portalynda tirkelý tegin. Atalǵan resýrsty qoldanýda taýarlardyń sapasy joǵary bolýy jáne qajetti kólemde ýaqytyly jetkizý sekildi basty talaptardy oryndaý qajet. JUMORE elektrondy saýda alańynda 3 onlaın pavılon qoıylǵan. Birinshisi ­– ulttyq pavılon. Ol halyqaralyq naryqqa shyǵýǵa, ekonomıkalyq jáne taýarlyq baılanysty keńeıtýge múmkindik beredi. Búginde Kazahstan, Bolıvııa, Kosta-Rıka, Meksıka men Perýdiń ulttyq pavılondary qoıylǵan. Biraq Qazaqstannyń pavılony qazirgi tańda bos. Sondaı-aq brendik jáne provınsıalyq pavılondar bar. Brendik pavılondarǵa álemniń túrli saladaǵy iri, úzdik kásiporyndary shyǵady. «Qazirde álemniń 126 elimen jáne qytaıdyń barlyq provınsııalarymen seriktespiz. 2017 jyly tranzaksııa boıynsha jasalǵan kelisimderdiń jalpy somasy 50 myń ıýan bolady dep oılaımyz. Bul jyl biz úshin óte mańyzdy. Kóptegen kompanııalar bizdiń onlaın-saýda alańymyzǵa kirýge daıyn. Qazaqstan kásiporyndary úshin ekportqa shyǵýǵa tamasha múmkindik dep oılaımyn. Qytaı úkimeti «Bir beldeý – bir jol» baǵdarlamasyn damytýǵa, saýda-ekonomıkalyq baılanysty nyǵaıtýǵa erekshe yqylasty. Qytaı men Qazaqstan basshylarynyń kelisimderi ­– iskerlik baılanysty damytýdyń negizi», ­– deıdi JUMORE kompanııasynyń basshysy Lıý Hongsıang JUMORE basshysy Qazaqstannyń ónimderiniń, ásirese aýyl sharýashylyǵy ónimderiniń sapasy joǵary ekenin, Qytaıda suranys jaqsy ekenin erekshe atap ótip, onlaın-saýda alańy qazaqstandyq kásipkerlerdiń Qytaıdyń, sondaı-aq álem elderiniń kompanııalarymen baılanys ornatýynaa sebepker bolatynyn jetkizdi. Sonymen qatar, kezdesý barysynda kásipkerler tarapynan qoıylǵan túrli saýaldarǵa jaýap berdi.