77 700 shıden Táj-Mahal mavzoleıin jasady

Osydan 6-7 jyl bu­­ryn Taldyqor­ǵan qa­lasynda turatyn Aıbek Baýyr­jan­uly orta mektepti bitirip, ar­hı­tektýra ınstıtýtyna qujattaryn tap­syrdy. Alaıda, bul mamandyqty qalaǵandardan shyǵar­ma­shylyq jumys talap etiledi eken. Ondaı jumys Aıbek­te bolmaı shyqty. Láj joq, kó­­keıindegi arhıtektor bolsam degen armanyn ma­shına jasaý mamandyǵyna aıyrbastap, Q.Sátbaev atyndaǵy QazUTÝ-dyń stýdenti atandy. Biraq qa­laı da arhıtektor bolam degen maqsat ony stýdenttik shaqtyń al­ǵash­qy kú­ninen shıden meshit jasaý isine alyp keldi. Jasar isiniń úlgisi re­tinde álemniń áıgili keremetteriniń biri, máń­gilik mahabbat sım­voly bolyp sanala­tyn Úndistandaǵy Táj­-Ma­hal kesenesin al­dy. Bul aıtýǵa ońaı bol­ǵa­nymen, sheberlikti, iz­denimpazdyqty, eń aqyry kóz maıyn ta­ýy­syp otyryp ju­mys is­teýdi talap ete­tin edi. Al­ǵashqy ju­mys­tary sát­sizdikke ushy­­raǵan kez­deri kóp boldy. Biraq Aıbek al­­ǵan betinen qaıt­pa­­­dy, tózimdilik pen she­berlikti qajet etetin ma­shaqatty jumysqa tórt jylyn arnady. Ná­tıjesinde, alǵashqy ar­hıtektýralyq ju­my­­sy ómirge keldi.Bı­­­iktigi 85 sm, aýdany 120h120 sm bolatyn shıden jasalǵan musylman óneriniń marjany «Táj­-Mahaldy» aıaqtap shyq­ty. Oǵan 77 700 si­riń­ke shıi ju­m­saldy. Jo­ǵary sý­rettegi kórer kóz­ge kemshiliksiz tur­ǵy­zylǵan shı-saraıdyń saltanatyna qarata syn aıtý tipten de múmkin emes sekildi. Búginde Aıbek oqýyn bitirip, dıplomyn qo­lyna alǵan jas maman. Qyzmet isteıdi. Qazir ol Astanamyzdaǵy «Áziret Sultan» meshitiniń ma­ketin ja­saý­dy oıy­na alyp, daıyndyq ju­mys­taryn jasaýda. Sóz sońynda my­na bir máselege oqyr­man­dardyń nazaryn aý­dar­ǵymyz keledi. Bul kúnderi álemniń 23 eli­nde arnaıy redaksııasy men ókildikteri bar Gınnestiń rekordtar kitaby dúnıe júzi boıynsha 100 memlekette 23 tilde basylady eken. Bul kitapqa engisi kelgen rekord jasaýshy adamnyń jas mólsherine shekteý joq. Ereje boıynsha, jasalǵan reko­r­dty vıdeoǵa túsi­rip, montajdamaı kitaptyń redak­sııasyna jiberý ke­rek. Rekord jasar aldynda Gınnes ki­ta­bynyń ar­naıy komıssııasyn da shaqyrýǵa bo­­lady. Biraq komıssııanyń ke­lý jolyn, tamaǵyn já­ne jatar ornyn sha­qyrýshylar tóleýi tıis dep jazylǵan. Olaı bolsa, jas mamannyń osy bir keremet týyndysyn nege álemge áıgili ki­tapqa usynbasqa. Ol úshin qaltaly el aza­mat­tary qolushyn be­rip, arnaıy komıssııa mú­shelerin shaqyrtýǵa ketetin shyǵyndardy kó­terip alsa, nur ústine nur bolar edi.