Otandyq medısınanyń ózekti máselelerin zerdeledi

Mınıstrlik basshylyǵymen jáne TOǴZI qyzmetkerlerimen kezdesý barysynda B.Áıtimova Qazaqstan Respýblıkasynyń Prezıdenti N.Nazarbaev jarııa etken 5 ınstıtýttyq reformany iske asyrý jónindegi «100 naqty qadam» Ult jos­paryn oryndaý boıynsha Par­lamenttiń qyzmeti týraly habardar etti. Senat komıtetiniń tóraıymy óz sózinde Memleket basshysy­nyń «Qazaqstannyń Úshinshi jań­ǵyrýy: jahandyq básekege qabilettilik» Joldaýyn­daǵy basymdyqtardy zańnamalyq turǵyda qamtamasyz etýge basa nazar aýdardy. Senator densaýlyq saqtaý júıesin jańǵyrtýdaǵy ıns­tı­týttyń eleýli úlesin atap ótse, TOǴZI dırektory Nur­lan Batpenov ınstıtýt jumy­symen tanystyrdy jáne onyń qyzmetindegi negizgi kór­set­kish­ter týraly aıta kelip, ınstı­týt­taǵy jáne búkil eli­miz­degi trav­matologııa-orto­pedııa qyz­me­tindegi ózekti máselelerge toq­taldy. Instı­týt ujymymen otan­dyq densaýlyq saqtaý sala­syn damy­týdyń keleshegi týraly múddeli pikirsaıys óristedi. Sharany qorytyndylaı kelip, B.Áıtimova senatorlar osy medısınalyq mekemeniń jaǵ­­­daıynan ǵana emes, jal­py medı­sına salasynyń ahýa­ly­nan habardar bolǵanyn jet­kizdi. Aıtylǵan usynystar eli­­mi­zdegi saqtandyrý medı­sına­sy salasynyń norma­tıv­tik-quqyq­tyq bazasyn qaly­p­tas­tyrý bary­synda eskeriletin bolady. Bul sapar mindetti áleý­met­tik medısınalyq saqtan­dyrýdyń jańa úlgisin engizýge ázirlik aıasynda komıtet múshe­lerin medısınalyq uıym­dar­men tanystyrý sharalary baǵ­darlamasy boıynsha júzege asqan bolatyn. Komıtet buǵan deıin Mindetti áleýmettik medı­sınalyq saqtandyrý qory men «Ulttyq neırohırýrgııa orta­lyǵy» aksıonerlik qoǵa­mynyń basshylyǵymen de kezdesý ótkizgen bolatyn.